Innlent

Kennari og starfsmenn skóla kærðir fyrir innilokun barns

Hólmfríður Gísladóttir skrifar
Grímur Grímsson staðfestir að lögregla vinni að rannsókn máls er varðar ofbeldi gegn barni í skóla.
Grímur Grímsson staðfestir að lögregla vinni að rannsókn máls er varðar ofbeldi gegn barni í skóla. Vísir/Arnar

Grímur Grímsson, yfirmaður miðlægrar rannsóknardeildar Lögreglunnar á höfuðborgarsvæðinu, hefur staðfest að embættið sé að rannsaka mál er varðar ofbeldi gegn barni í skóla á höfuðborgarsvæðinu.

Frá þessu greinir Fréttablaðið.

Í umfjöllun blaðsins segir að kennari og þrír starfsmenn grunnskóla á höfuðborgarsvæðinu hafi verið kærðir til lögreglu vegna meðferðar á barni og meintra brota á hegningar- og barnaverndarlögum.

Barnið hafi verið lokað eitt inni í skólanum að minnsta kosti tvisvar.

Umboðsmaður Alþingis kannar nú innilokanir barna og aðskilnað þeirra frá samnemendum. Í umfjöllun Fréttablaðsins segir að frá því að það greindi frá athugun umboðsmanns hafi blaðinu borist ábendingar um önnur sambærileg mál, sem varði nokkra skóla á höfuðborgarsvæðinu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.