Bjarki Steinn lék með ÍA í Pepsi Max-deild karla hér á landi síðasta sumar en samdi svo við Venezia sem lék þá í Serie B. Félagið vann sér svo inn sæti í Serie A, ítölsku úrvalsdeildinni, síðasta vor.
Þegar tíu umferðir eru búnar á yfirstandandi tímabili hefur Bjarki Steinn tekið þátt í sex leikjum.
„Ég er mjög ánægður með að hafa framlengt samning minn. Framtíðarsýn Venezia heillar mig og er þetta frábært tækifæri fyrir mig til að þróa minn leik. Fólkið í kringum félagið er eins og ein stór fjölskylda. Ég tel að ég geta sannað mig í nánustu framtíð með liðinu,“ sagði Bjarki Steinn í yfirlýsingu sem birtist á samfélagsmiðlum Venezia.
Bjarki Bjarkason extends contract.
— Venezia FC (@VeneziaFC_EN) October 29, 2021
The versatile Iceland Under-21 international midfielder signs through 2023/24.https://t.co/DdghfOaRfX#ArancioNeroVerde pic.twitter.com/5df9KZBNmK
Bjarki Steinn á að baki alls 21 landsleik fyrir yngri landslið Íslands, þar á meðal sex fyrir U-21 árs landsliðið.