Viðskipti innlent

Vilja grænan sprota­garð í byggingar Norður­áls í Helgu­vík

Eiður Þór Árnason skrifar
Norðurál hefur reynt að selja byggingar sínar í Helguvík en illa gekk að að útvega þá raforku sem þurfti fyrir fyrirhugað álver.
Norðurál hefur reynt að selja byggingar sínar í Helguvík en illa gekk að að útvega þá raforku sem þurfti fyrir fyrirhugað álver. Vísir/Vilhelm

Til stendur að reisa grænan sprotagarð á iðnaðarsvæðinu í Helguvík og nýta til þess byggingar Norðuráls. Íslenski sjávarklasinn í samstarfi við fyrirtæki á Reykjanesi hugar nú að undirbúningi sprotagarðsins sem hefur hlotið vinnuheitið Reykjanesklasinn.

Stofnendurnir hafa verið í viðræðum við Norðurál um kaup á húsum félagsins. Þetta kemur fram í nýjasta tölublaði Víkurfrétta og greint frá því að sérstaklega verði leitað leiða til að fyrirtækin geti samnýtt auðlindir og stuðlað að því að það sem falli til hjá einu fyrirtæki nýtist öðru í klasanum.

Að sögn Víkurfrétta er mikill áhugi á verkefninu hjá sprotafyrirtækjum og aðilum á Reykjanesi. Stendur til að bjóða stórum sem smáum fyrirtækjum aðstöðu í Helguvík, meðal annars til framleiðslu, samsetninga, rannsókna, ylræktar og eldis.

Reykjanesbær Nýsköpun


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið