Viðskipti innlent

Reikni­stofa fisk­markaða fær lög­bann á fram­kvæmda­stjórann fyrr­verandi

Hólmfríður Gísladóttir skrifar
Eyjólfur segist munu bíða eftir niðurstöðu dómstóla.
Eyjólfur segist munu bíða eftir niðurstöðu dómstóla. Vísir/Vilhelm

Nýtt fyrirtæki sem hugðist veita Reiknistofu fiskmarkaða ehf. samkeppni hefur fengið á sig lögbann og getur ekki hafið starfsemi fyrr en málið hefur farið sína leið fyrir dómstólum. 

Frá þessu er greint í Morgunblaðinu í dag en þar segir að sýslumaðurinn í Keflavík hafi samþykkt lögbannskröfu Reiknistofu fiskmarkaða á hendur fyrirtækinu NRS. 

Eyjólfur Þór Guðlaugsson er framkvæmdastjóri og einn eigenda NRS. Hann segir lögbannið hafa komið sér á óvart en það byggi helst á því að hann hafi ekki mátt stofna fyrirtæki í samkeppni við Reiknistofuna eftir að hafa starfað sem framkvæmdastjóri hennar um árabil.

„Mér var sagt upp störfum þar án nokkurrar skýringar. Þetta er áratugalangt starf og ég stóðst bara ekki mátið að halda áfram á þessari braut,“ hefur Morgunblaðið eftir Eyjólfi og segir Reiknistofuna hafa notið einokunarstöðu á fiskuppboðsmarkaðnum til þessa.

Eyjólfur gengst við því að samkeppnisákvæði hafi verið að finna í ráðningarsamningi hans en það ætti ekki að hafa áhrif þar sem honum hafi verið sagt upp og ekkert ákvæði að finna í starfslokasamningnum.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SYN
2,46
27
321.952
FESTI
0
5
63.908

Mesta lækkun dagsins


Félag
Br.%
Fjöldi
Velta*
ICEAIR
-4,73
94
456.960
EIM
-3,21
17
602.240
MAREL
-3,1
44
328.901
REITIR
-2,96
15
105.484
KVIKA
-2,9
59
1.048.345
Velkomin á Vísi. Þessi vefur notar vafrakökur. Sjá nánar.