Albumm

„Mitt besta verk hingað til“

Ritstjórn Albúmm.is skrifar
Mynd: Berglaug Garðarsdóttir
Mynd: Berglaug Garðarsdóttir

Föstudaginn, 15. október gaf Birnir út plötuna Bushido. Þetta fimmtán laga stórvirki hefur verið í vinnslu í þrjú ár.  

Hvert einasta lag segir sína sögu. Textarnir eru persónulegir, djúpir og ljóðrænir. Tónlistarfólkið Aron Can, Krabba Mane, GDRN og Högni koma fram á plötunni og pródúsering er í höndum landsliðs íslenskra tónlistarmanna; Marteinn Hjartarson (Bngrboy), Arnar Ingi Ingason (Young Nazareth), Þormóður Eiríksson og Þórir Már Davíðsson.

Birnir segir plötuna sitt besta verk hingað til og lýsir ferlinu sem löngu og ströngu með hæðum og lægðum. Mikil eftirvænting hefur verið eftir plötunni en Birnir er á sama tíma einn vinsælasti tónlistarmaður og virtasti rappari landsins. 

Þessi einstaka staða gerir honum kleift að sanka að sér aðdáendum frá öllum hliðum samfélagsins.



Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband í albumm@albumm.is.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.