Viðskipti erlent

Skortur sagður koma niður á framleiðslu iPhone 13

Samúel Karl Ólason skrifar
Til stóð að framleiða 90 milljónir síma á árinu en útlit er fyrir að þeir verði 80 milljónir.
Til stóð að framleiða 90 milljónir síma á árinu en útlit er fyrir að þeir verði 80 milljónir. Getty/Aaron P

Apple mun líklega draga úr fjölda iPhone 13 sem til stendur að framleiða vegna heimslægs skorts á hálfleiðurum. Skorturinn er að koma niður á helstu tekjulind tæknirisans.

Samkvæmt frétt Bloomberg var búist við því að fyrirtækið myndi framleiða um 90 milljónir síma á þessu ári. Ólíklegt þykir að það muni takast vegna skortsins og verða símarnir líklega ekki fleiri en 80 milljónir, samkvæmt heimildarmönnum Bloomberg.

Guardian segir forsvarsmenn Apple ekki hafa viljað tjá sig um frétt Bloomberg.

Skorturinn á hálfleiðurum sem notaðir eru í alls konar raftæki hefur komið niður á framleiðendum víða um heim en hvað verst á bílaframleiðendum. Búist er við því að framboð muni ekki anna eftirspurn fyrr en í fyrsta lagi árið 2023.

Þessi skortur hefur meðal annars komið niður á framleiðslu Sony á Playstation 5 leikjatölvum.

Sjá einnig: Búast ekki við að anna eftirspurn út 2022

Apple hefur áður sagt að skorturinn hafi komið niður á framleiðslu fyrirtækisins á tölvum og spjaldtölvum.

Ofan á flöguskortinn hefur mikil hækkun orkuskortur og hækkun orkuverðs í Kína og víðar í Asíu leitt til þess að verksmiðjum hefur verið lokað og skortur er að myndast á öðrum vörum. Ofan á það eiga flutningafyrirtæki við manneklu að stríða.

Hvíta húsið varaði nýverið við því að Bandaríkjamenn megi búast við hærri verðum og tómum hillum um jólin. Svipaða sögu er að segja frá Bretlandi, samkvæmt Guardian.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SIMINN
7,76
40
294.694
ICEAIR
2,96
219
744.138
LEQ
1,46
2
1.138
ICESEA
1,22
3
1.541
BRIM
0,67
6
10.021

Mesta lækkun dagsins


Félag
Br.%
Fjöldi
Velta*
REGINN
-2,65
5
46.100
EIK
-2,34
10
37.795
FESTI
-1,83
10
608.417
HAGA
-1,53
9
134.324
VIS
-1,43
5
53.072
Velkomin á Vísi. Þessi vefur notar vafrakökur. Sjá nánar.