Viðskipti innlent

Play bætir við þremur nýjum á­fanga­stöðum á Norður­löndum

Atli Ísleifsson skrifar
Flugvél Play.
Flugvél Play. vísir/sigurjón

Flugfélagið PLAY hefur bætt þremur áfangastöðum í Skandinavíu við sumaráætlun sína. Um er að ræða Stafangur og Þrándheim í Noregi ásamt Gautaborg í Svíþjóð.

Í tilkynningu kemur fram að flug til Gautaborgar hefjist í lok maí og verði flogið til og frá borginni tvisvar í viku. 

„Þá verður flogið tvisvar í viku til Stafangurs og Þrándheims og hefst flug einnig í lok maí. Miðasala hefst í dag en með þessu er félagið að bregðast við þörf á áætlunarflugi til umræddra borga.

Eins og staðan er í dag er ekkert beint flug frá Íslandi til Gautaborgar sem er önnur stærsta borgin í Svíþjóð.

Ennfremur segir að í Stafangri í Noregi búi um tólf hundruð Íslendingar og með beinu flugi PLAY til borgarinnar kemur félagið til móts við þann hóp með ódýrum fargjöldum. Sömuleiðis búi margir Íslendingar í Þrándheimi. 

Fleiri valkostir í Skandinavíu

Haft er eftir Birgi Jónssyni, forstjóra Play, að sala á flugmiðum hafi tekið kipp síðustu vikur og að félagið finni vel að fólk sé tilbúið að ferðast. 

„Við erum byrjuð að stækka leiðakerfið okkar og teljum nú tímabært að bjóða viðskiptavinum okkar upp á fleiri valkosti í Skandinavíu en með þessu fjölgum við áfangastöðunum okkar á Norðurlöndunum úr einum í fjóra. Margir Íslendingar eru búsettir á þessum slóðum og við teljum að við getum byggt upp hagkvæma flugáætlun á þessa staði, bæði með eftirspurn frá Íslendingum og heimamönnum,“ er haft eftir Birgi.

Play býður nú upp á sölu á miðum til Alicante, Amsterdam, Barcelona, Berlínar, Kaupmannahafnar, Gautaborgar, Gran Canaria, Lonodn, Parísar, Salzborgar, Svafandurs, Tenerife og Þrándheims.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SYN
3,85
27
195.390
MAREL
2,66
63
670.001
ORIGO
0,74
16
131.303
BRIM
0,68
6
3.656
LEQ
0,53
1
501

Mesta lækkun dagsins


Félag
Br.%
Fjöldi
Velta*
ICEAIR
-4,1
123
251.373
ICESEA
-2,56
11
44.079
EIM
-1,75
7
51.218
VIS
-1,39
4
80.898
REGINN
-1,35
3
47.375
Velkomin á Vísi. Þessi vefur notar vafrakökur. Sjá nánar.