AGS útvatnaði varnaðarorð um áhættu vegna loftslagsbreytinga Kjartan Kjartansson skrifar 11. október 2021 13:41 Kristalina Georgieva, framkvæmdastjóri Alþjóðagjaldeyrissjóðsins. AP/Ludovic Marin Stjórnendur hjá Alþjóðagjaldeyrissjóðnum lúffuðu fyrir fulltrúum Brasilíu og milduðu orðalag þar sem varað var við áhættu brasilísks efnahagslífs vegna loftslagsbreytinga í árlegri skýrslu. Framkvæmdastjóri sjóðsins á fyrir í vök að verjast vegna ásakana um að hún hafi gengið erinda Kínverja hjá Alþjóðabankanum. Fulltrúar ríkisstjórnar Jairs Bolsonaro, forseta Brasilíu, eru sagðir hafa mótmælt orðalagi um loftslagsbreytingar sem átti að vera í árlegri stöðuskýrslu gjaldeyrissjóðsins í sumar. Kristalina Georgieva, framkvæmdastjóri AGS, hafi verið á meðal stjórnenda sem brugðust við með því að útvatna orðalagið. Bloomberg-fréttastofan segir að yfirmenn hjá AGS hafi í fyrstu staðfest skýrslu undirmanna sinna um Brasilíu 30. júlí en dregið samþykki sitt til baka og fjarlægt setningar sem voru Brasilíumönnunum ekki þóknanlegar aðeins nokkrum klukkustundum síðar. Afar fátítt er sagt að stjórnendur sjóðsins samþykki skýrslu en fjarlægi síðan orðalag sem ríki mótmælir samkvæmt fyrrverandi og núverandi starfsmönnum sjóðsins sem hafa unnið að slíkum skýrslum. Breytingarnar eru sagðar hafa komið starfsmönnum sjóðsins í opna skjöldu, sérstaklega í ljósi þess að Georgieva framkvæmdastjóri hafi lagt áherslu á mikilvægi loftslagsmála frá því að hún tók við stöðunni árið 2019. Skýrslunni var breytt rétt eftir fund Georgievu með Afonso Bevilaqua, fulltrúa Brasilíu hjá stjórn sjóðsins, en hann hafði ítrekað kvartað undan því að lagt væri mat á loftslagsstefnu í úttekt sjóðsins. Talsmenn sjóðsins fullyrða að breytingarnar á orðalaginu hafi ekki haft áhrif á skilaboð skýrslunnar um loftslagsmál. Fullyrtu þeir að verklag við frágang skýrslunnar hefði verið hefðbundið. Tóku út viðvaranir um aukna losun og áhrif á efnahaginn Með breytingunum sem Georgieva og aðrir létu gera var ekki lengur varað við því að loftslagsbreytingar ógnuðu þjóðarhag Brasilíu. Felldar voru út setningar þar sem loftlagsaðgerðir brasilískra stjórnvalda voru greindar og varað var við aukinn losun gróðurhúsalofttegunda frá landbúnaði og landnotkun í landinu. Stjórn Bolsonaro forseta, sem sjálfur skilur ekki loftslagsvísindi, hefur sætt harðri gagnrýni fyrir að verja ekki Amasonfrumskóginn fyrir ágangi verktaka, bænda og skógarhöggsmanna. Aðildarríki AGS geta mótmælt niðurstöðum í skýrslum af þessu tagi og eru slíkar yfirlýsingar birtar með þeim. Vinnureglur sjóðsins banna starfsmönnum að „semja“ við fulltrúa ríkja um innihalds úttektarskýrslna og að sýna þeim drög nema í undantekningartilfellum. Þá geta ríki komið í veg fyrir að skýrslurnar séu birtar opinberlega. Brasilísk stjórnvöld nýttu sér ekki þann rétt. Jair Bolsonaro, forseti Brasilíu, tróð meðal annars illsakir við stjórnendur Geimstofnunar Brasilíu þegar hún birti gervihnattagögn um eyðingu Amasonfrumskógarins. Forsetinn hefur verið skeytingarlaus um skógareyðingu og losun gróðurhúsalofttegunda.Getty/Andressa Anholete Sökuð um þjónkun við Kínverja Fréttir af afskiptum Georgievu og stjórnenda AGS af skýrslunni um Brasilíu hafa fallið í skuggann af ásökunum um að hún hafi gerst sek um þjónkun við stjórnvöld í Kína þegar hún var forstjóri Alþjóðabankans árið 2017. Í nýlegri skýrslu sem var unnin fyrir siðanefnd bankans kom fram að Georgieva og þáverandi forseti bankans hefðu þrýst á starfsmenn að eiga við gögn til þess að fegra stöðu Kína á lista bankans yfir ríki þar sem best er að stunda viðskipti í heiminum. Það hafi þau gert á sama tíma og þau reyndu að sannfæra kínversk stjórnvöld um að leggja bankanum til aukið fé. Georgieva hefur harðneitað sök. Stjórn Alþjóðagjaldeyrissjóðsins situr nú á rökstólum um framtíð Georgievu í stöðunni en heimildarmaður Reuters-fréttastofunnar taldi nær fullvíst í morgun að stjórnin myndi lýsa yfir trausti á henni. Alþjóðagjaldeyrissjóðurinn Brasilía Loftslagsmál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Tuttugu milljóna hámark sett á einstaklinga Viðskipti innlent Rússar flytja inn eldsneyti eftir drónaárásir Viðskipti erlent Páskaeggin frá Nóa Síríus vinsælust Neytendur Hefð fyrir sumargjöf í Íslandsbanka Viðskipti innlent Stjörnugrís sektaður fyrir íslenskan fána Neytendur Lok, lok og læs hjá Gló Viðskipti innlent Trump græddi milljarða dala í dag Viðskipti erlent Ísland ekki nógu spennandi áfangastaður fyrir Ryanair Viðskipti innlent Súkkulaði frá Nóa hækkar mest á meðan Freyja lækkar Neytendur Íslendingar duglegastir í heimi að kaupa Samsonite-ferðatöskur Samstarf Fleiri fréttir Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Elsta vörumerki Bretlands fær nýtt útlit Umfangsmiklar uppsagnir hjá PlayStation Léku bakarí grátt og Musk lofar bót og betrun Bjóða níræðum ókeypis flug Gekk erfiðlega að svara fyrir meint okur og sagði upp störfum Ofsagróði hjá olíurisunum eftir innrás Rússa í Úkraínu Klósettleysi yfir Íslandi setti ferðaplönin úr skorðum Óvænt kreppa í Japan og Þýskaland tekur þriðja sætið Grænlendingar hefja beint flug til Kanada Engir rauðir límmiðar lengur á Iittala Vill færa skráningu Tesla til Texas Adidas ákveður að selja birgðir sínar af Yeezy Sjá meira
Fulltrúar ríkisstjórnar Jairs Bolsonaro, forseta Brasilíu, eru sagðir hafa mótmælt orðalagi um loftslagsbreytingar sem átti að vera í árlegri stöðuskýrslu gjaldeyrissjóðsins í sumar. Kristalina Georgieva, framkvæmdastjóri AGS, hafi verið á meðal stjórnenda sem brugðust við með því að útvatna orðalagið. Bloomberg-fréttastofan segir að yfirmenn hjá AGS hafi í fyrstu staðfest skýrslu undirmanna sinna um Brasilíu 30. júlí en dregið samþykki sitt til baka og fjarlægt setningar sem voru Brasilíumönnunum ekki þóknanlegar aðeins nokkrum klukkustundum síðar. Afar fátítt er sagt að stjórnendur sjóðsins samþykki skýrslu en fjarlægi síðan orðalag sem ríki mótmælir samkvæmt fyrrverandi og núverandi starfsmönnum sjóðsins sem hafa unnið að slíkum skýrslum. Breytingarnar eru sagðar hafa komið starfsmönnum sjóðsins í opna skjöldu, sérstaklega í ljósi þess að Georgieva framkvæmdastjóri hafi lagt áherslu á mikilvægi loftslagsmála frá því að hún tók við stöðunni árið 2019. Skýrslunni var breytt rétt eftir fund Georgievu með Afonso Bevilaqua, fulltrúa Brasilíu hjá stjórn sjóðsins, en hann hafði ítrekað kvartað undan því að lagt væri mat á loftslagsstefnu í úttekt sjóðsins. Talsmenn sjóðsins fullyrða að breytingarnar á orðalaginu hafi ekki haft áhrif á skilaboð skýrslunnar um loftslagsmál. Fullyrtu þeir að verklag við frágang skýrslunnar hefði verið hefðbundið. Tóku út viðvaranir um aukna losun og áhrif á efnahaginn Með breytingunum sem Georgieva og aðrir létu gera var ekki lengur varað við því að loftslagsbreytingar ógnuðu þjóðarhag Brasilíu. Felldar voru út setningar þar sem loftlagsaðgerðir brasilískra stjórnvalda voru greindar og varað var við aukinn losun gróðurhúsalofttegunda frá landbúnaði og landnotkun í landinu. Stjórn Bolsonaro forseta, sem sjálfur skilur ekki loftslagsvísindi, hefur sætt harðri gagnrýni fyrir að verja ekki Amasonfrumskóginn fyrir ágangi verktaka, bænda og skógarhöggsmanna. Aðildarríki AGS geta mótmælt niðurstöðum í skýrslum af þessu tagi og eru slíkar yfirlýsingar birtar með þeim. Vinnureglur sjóðsins banna starfsmönnum að „semja“ við fulltrúa ríkja um innihalds úttektarskýrslna og að sýna þeim drög nema í undantekningartilfellum. Þá geta ríki komið í veg fyrir að skýrslurnar séu birtar opinberlega. Brasilísk stjórnvöld nýttu sér ekki þann rétt. Jair Bolsonaro, forseti Brasilíu, tróð meðal annars illsakir við stjórnendur Geimstofnunar Brasilíu þegar hún birti gervihnattagögn um eyðingu Amasonfrumskógarins. Forsetinn hefur verið skeytingarlaus um skógareyðingu og losun gróðurhúsalofttegunda.Getty/Andressa Anholete Sökuð um þjónkun við Kínverja Fréttir af afskiptum Georgievu og stjórnenda AGS af skýrslunni um Brasilíu hafa fallið í skuggann af ásökunum um að hún hafi gerst sek um þjónkun við stjórnvöld í Kína þegar hún var forstjóri Alþjóðabankans árið 2017. Í nýlegri skýrslu sem var unnin fyrir siðanefnd bankans kom fram að Georgieva og þáverandi forseti bankans hefðu þrýst á starfsmenn að eiga við gögn til þess að fegra stöðu Kína á lista bankans yfir ríki þar sem best er að stunda viðskipti í heiminum. Það hafi þau gert á sama tíma og þau reyndu að sannfæra kínversk stjórnvöld um að leggja bankanum til aukið fé. Georgieva hefur harðneitað sök. Stjórn Alþjóðagjaldeyrissjóðsins situr nú á rökstólum um framtíð Georgievu í stöðunni en heimildarmaður Reuters-fréttastofunnar taldi nær fullvíst í morgun að stjórnin myndi lýsa yfir trausti á henni.
Alþjóðagjaldeyrissjóðurinn Brasilía Loftslagsmál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Tuttugu milljóna hámark sett á einstaklinga Viðskipti innlent Rússar flytja inn eldsneyti eftir drónaárásir Viðskipti erlent Páskaeggin frá Nóa Síríus vinsælust Neytendur Hefð fyrir sumargjöf í Íslandsbanka Viðskipti innlent Stjörnugrís sektaður fyrir íslenskan fána Neytendur Lok, lok og læs hjá Gló Viðskipti innlent Trump græddi milljarða dala í dag Viðskipti erlent Ísland ekki nógu spennandi áfangastaður fyrir Ryanair Viðskipti innlent Súkkulaði frá Nóa hækkar mest á meðan Freyja lækkar Neytendur Íslendingar duglegastir í heimi að kaupa Samsonite-ferðatöskur Samstarf Fleiri fréttir Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Elsta vörumerki Bretlands fær nýtt útlit Umfangsmiklar uppsagnir hjá PlayStation Léku bakarí grátt og Musk lofar bót og betrun Bjóða níræðum ókeypis flug Gekk erfiðlega að svara fyrir meint okur og sagði upp störfum Ofsagróði hjá olíurisunum eftir innrás Rússa í Úkraínu Klósettleysi yfir Íslandi setti ferðaplönin úr skorðum Óvænt kreppa í Japan og Þýskaland tekur þriðja sætið Grænlendingar hefja beint flug til Kanada Engir rauðir límmiðar lengur á Iittala Vill færa skráningu Tesla til Texas Adidas ákveður að selja birgðir sínar af Yeezy Sjá meira