Á­kærður fyrir að ryðjast inn á heimili konu og nauðga

Í ákæru kemur fram að maðurinn sé ákærður fyrir húsbrot og nauðgun, en atvikið átti sér stað 29. maí 2019.

Manninum er gefið að sök að hafa nýtt sér yfirburði sína vegna aðstöðu og aflsmuna. Á hann að hafa veist að konunni, tekið hana úr fötum, ýtti henni niður í sófa í stofu íbúðarinnar og nauðgað. 

Í framhaldi á hann að hafa þvingað hana inn í svefnherbergi og upp í rúm þar sem hann hafði aftur samræði við hana án hennar samþykkis. Konan bað manninn ítrekað um að láta af háttseminni.

Gerð er einkaréttarkrafa fyrir hönd konunnar um miskabætur að upphæð þrjár milljónir króna auk vaxta.