Innlent

Öku­manns sem ók á stúlku á raf­magns­hlaupa­hjóli við Granda­torg leitað

Atli Ísleifsson skrifar
Ekið var á stúlkuna klukkan 16:43 í gær.
Ekið var á stúlkuna klukkan 16:43 í gær. Vísir/Vilhelm

Lögreglan á höfuðborgarsvæðinu leitar nú ökumanns fólksbifreiðar sem ók á unga stúlku á rafmagnshlaupahjóli við Grandatorg í Reykjavík um klukka 16.43 í gær.

Í tilkynningu frá lögreglunni á höfuðborgarsvæðinu segir að stúlkan hafi slasast, en ökumaðurinn hafi ekið rakleiðis af vettvangi. 

„Stúlkan var á leið yfir Ánanaust til suðurs, en hringtorgið er á mótum Ánanaust, Hringbrautar og Eiðsgranda, þegar slysið varð.

Við atvik eins og þetta er mikilvægt að ökumenn gangi úr skugga um að engin meiðsl hafi hlotist af né að skemmdir hafi orðið. Sömuleiðis er áríðandi að tilkynna málið til lögreglu, ekki síst vegna þess að áverkar eru ekki alltaf sjáanlegir á vettvangi. 

Lögreglan biður ökumann fólksbifreiðarinnar um að gefa sig fram en hafi aðrir orðið vitni að slysinu eru hinir sömu beðnir um að hafa samband í síma 444 1000. Einnig má senda upplýsingar um málið í tölvupósti á netfangið gudmundur.pall@lrh.is“

Lögreglumál Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið