Handbolti

Leiðin hjá Sagosen liggur líklega heim í nýtt ofurlið

Ingvi Þór Sæmundsson skrifar
Sander Sagosen hefur leikið með Kiel frá því í fyrra.
Sander Sagosen hefur leikið með Kiel frá því í fyrra. getty/Cathrin Mueller

Sander Sagosen, einn besti handboltamaður í heimi, snýr að öllum líkindum aftur heim uppeldisfélagsins Kolstad eftir næsta tímabil.

Forráðamenn Kolstad vilja búa til sannkallað ofurlið á næstu árum eins og Álaborg í Danmörku er að gera. Fjölmargir öflugir leikmenn hafa verið orðaðir við Kolstad, þar á meðal íslensku landsliðsmennirnir Janus Daði Smárason og Sigvaldi Guðjónsson.

Stærsta nafnið sem hefur verið orðað við Kolstad er samt Sagosen sem hóf feril sinn með Þrándheimsliðinu. Og samkvæmt heimildum Instagram-síðunnar Handball Leaks hefur Sagosen náð samkomulagi við Kolstad um að ganga í raðir liðsins frá Kiel sumarið 2023.

Sagosen, sem er 26 ára, kom til Kiel frá Paris Saint-Germain í fyrra. Þar áður lék hann með Álaborg, meðal annars undir stjórn Arons Kristjánssonar.

Kolstad vill fá Christian Berge, þjálfara norska karlalandsliðsins, til að stýra liðinu. Forráðamenn norska handknattleikssambandsins eru ekki hrifnir af því að hann sinni tveimur störfum samtímis og segja að hann verði að velja á milli landsliðsins eða Kolstad.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.