Viðskipti innlent

Hafa lokið fjár­mögnun Boeing 737 MAX flug­véla fé­lagsins

Atli Ísleifsson skrifar
Mývatn er ein Boeing 737 MAX véla Icelandair.
Mývatn er ein Boeing 737 MAX véla Icelandair. Vísir/KMU

Icelandair hefur gert samning við Aviation Capital Group (ACG) um fjármögnun þriggja Boeing 737 MAX flugvéla.

Í tilkynningu frá Icelandair til Kauphallar segir að um sé að ræða sölu og endurleigu á tveimur Boeing 737 MAX8 flugvélum og fjármögnunarleigu á einni Boeing 737 MAX9 vél. 

Gert er ráð fyrir að flugvélarnar verði afhentar í desember 2021 og janúar 2022. 

„Icelandair hafði áður gert samning um fjármögnun til vara á þessum þremur vélum sem nú er ljóst að verður ekki nýtt. Í kjölfar þessa samnings hefur Icelandair lokið fjármögnun allra 12 Boeing 737 MAX flugvéla félagsins sem félagið pantaði upphaflega frá Boeing á árinu 2013,“ segir í tilkynningunni.

Haft er eftir Boga Nils Bogason, forstjóra Icelandair Group, að félagið sé ánægt að hafa náð samningum á góðum kjörum við Aviation Capital Group sem það hafi átt í samstarfi við lengi. „Það er ljóst að fjármögnunaraðilar hafa trú á félaginu sem og virði Boeing 737 MAX vélanna og þeim tækifærum sem þær koma til með að skapa,“ er haft eftir Boga Nils.

Fréttir af flugi Icelandair Kauphöllin Boeing


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið