Innlent

Lést nokkrum dögum eftir hafa fengið röng lyf

Eiður Þór Árnason skrifar
Konan dvaldi á Landakoti. 
Konan dvaldi á Landakoti.  Vísir/vilhelm

Kona sem lést á Landakoti síðastliðinn fimmtudag hafði nýlega fengið ranga lyfjagjöf. Landspítalinn segir um mannleg mistök að ræða og telur ekki að orsakasamhengi sé þarna á milli.

Þetta kemur fram í frétt RÚV. Þar segir að þann 18. september hafi konan fengið alls tíu lyf sem hún átti ekki fá, meðal annars flogalyf, hjartalyf sem hægi á hjartslætti og blóðþrýstingslyf. 

Að sögn aðstandenda, sem kjósa að koma ekki fram undir nafni, var konan flutt í eftirlit á bráðamóttöku sama dag og síðan aftur á Landakot um kvöldið. Segja þeir að konan hafi vart komist til sjálfrar sín eftir lyfjagjöfina nema stund og stund. Hún lést svo 23. september.

Ættingjarnir hyggjast ekki kæra atvikið. Landspítalinn staðfestir í svörum til RÚV að mistök hafi átt sér stað við lyfjagjöf. Ekki hafi verið talin ástæða til þess af hálfu spítalans að vísa málinu til landlæknisembættisins til rannsóknar að svo stöddu. Samkvæmt heimildum RÚV hefur ekkert komið fram innan spítalans sem bendir til þess að tengsl séu á milli mistakanna og andlátsins.

Landspítalinn Heilbrigðismál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið