Hermann Sæmundsson skipaður skrifstofustjóri

Þorgils Jónsson skrifar 23. september 2021 23:32

Hermann Sæmundsson hefur verið skipaður í embætti skrifstofustjóra á skrifstofu stefnumála í forsætisráðuneytinu. Skipunin er til fimm ára.

Í tilkynningu frá forsætisráðuneytinu kemur fram að Hermann er með BA gráðu í stjórnmálafræði frá Háskóla Íslands og meistaragráðu í opinberri stjórnsýslu frá Árósaháskóla.

Hermann hefur starfað í Stjórnarráðinu frá árinu 1996, m.a. sem sérfræðingur, skrifstofustjóri og settur ráðuneytisstjóri í félagsmálaráðuneytinu og sem skrifstofustjóri og staðgengill ráðuneytisstjóra í samgöngu- og sveitarstjórnarráðuneytinu.

Hann var valinn úr hópi nítján umsækjenda.

Skrifstofa stefnumála vinnur í umboði forsætisráðherra að stefnumótun og framgangi stefnumála ríkisstjórnarinnar með því að vinna að samhæfingu mála innan Stjórnarráðsins og utan, auka yfirsýn og forystu forsætisráðuneytisins og tryggja vandaðan undirbúning mála fyrir ráðherra og ríkisstjórn.

Stjórnsýsla Vistaskipti

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.