Veiði

Fleiri lokatölur úr laxveiðiánum

Karl Lúðvíksson skrifar
Lokatölur eru nú að birtast í laxveiðiánum
Lokatölur eru nú að birtast í laxveiðiánum Mynd: Árni Baldursson FB

Það sér fyrir endan á veiðitímabilinu í flestum laxveiðiánum en lokatölur eru nú að berast úr nokkrum þeirra.

Þegar nýjar uppfærðar veiðitölur voru birtar í morgun á vef Landssambands Veiðifélaga þá má sjá að Ytri Rangá er ennþá á toppnum með 3.082 laxa og Eystri þar skammt á eftir með 2.886 laxa. Síðustu dagar hafa verið mjög erfiðir í báðum ánum en þær hafa litast og bólgnað upp og gert veiðimönnum afar erfitt fyrir þó sérstaklega Eystri Rangá. Það sést best á að vikutölur úr ánni voru ekki nema 85 laxar í Eystri en um 150 laxar í Ytri Rangá. Töluvert af laxi er í báðum ánum og þær opnar til 20. október svo þessar tölur eiga eftir að hækka.

Miðfjarðará er svo í þriðja sæti og hæst sjálfbæru ánna með 1.709 laxa sem er prýðileg veiðií ánni. Lokatölur eru svo komnar úr Norðurá með 1.431 lax, Haffjarðará með 914 laxa, Elliðaár með 617 laxa, Hofsá og Sunnudalsá með 601 lax, Laxá á Ásum með 600 laxa og Blanda með 418 laxa. Fleiri lokatölur og lista yfir heildarveiði í ánum má finna á www.angling.is




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.