Katrín Ósk og Olgeir til Aha

Atli Ísleifsson skrifar 7. september 2021 13:26

Katrín Ósk Einarsdóttir og Olgeir Pétursson. Aha

Olgeir Pétursson og Katrín Ósk Einarsdóttir hafa verið ráðin til Aha.is. Olgeir hefur tekið við starfi viðskiptastjóra og Katrín Ósk sem framkvæmdastjóri þjónustusviðs.

Í tilkynningu frá fyrirtækinu kemur fram að Olgeir hafi áður starfa hjá Nova eða allt frá stofnun.

„Þá vann hann hjá Under Armour sem viðskiptastjóri og að markaðssetningu auk þess sem hann sá um netsölu og markaðsmál hjá Mountaineers of Iceland.

Olgeir er menntaður markþjálfi og kveðst vera heppinn á sínum starfsferli þar sem hann hefur aðeins unnið með topp starfsmönnum á mögnuðum vinnustöðum.

Olgeir er í sambúð með Guðrúnu Finnsdóttir og eiga þau þrjú börn, þær Aþenu, Rakel og Rafney.“

Katrín Ósk er með BA í Business, Economics & IT frá Syddansk University í Danmörku þar sem hún hefur búið síðastliðin ár.

„Katrín hefur góða reynslu af rekstri þjónustu- og tæknivera en áður starfaði hún sem deildarstjóri hjá Vodafone og 365 Miðlum.

Áður en hún flutti erlendis var hún forstöðumaður þjónustuvera 365 Miðla.

Katrín er gift Kristjáni Erni Kristjánssyni framleiðsluverkfræðingi og eiga þau þrjú börn, þau Kristján Einar, Ásdísi Kötlu og Bryndísi Köru,“ segir í tilkynningunni.

Vistaskipti

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.