Viðskipti innlent

Bónus opnar þriðju verslunina á Akur­eyri næsta vor

Atli Ísleifsson skrifar
Bónus rekur í dag tvær verslanir á Akureyri, við Langholt og Kjarnagötu.
Bónus rekur í dag tvær verslanir á Akureyri, við Langholt og Kjarnagötu. Hagar

Bónus hyggst opna þriðju matvöruverslunina á Akureyri næsta vor. Verslunin mun opna í verslunarkjarnanum að Norðurtorgi.

Þetta kemur fram í tilkynningu frá Högum og segir að samningar þessa efnis hafi verið undirritaðir þar um. Verslunin verður ríflega tvö þúsund fermetrar að stærð og staðsett við hlið verslana Rúmfatalagersins og ILVA sem þegar eru á Norðurtorgi.

Bónus rekur í dag tvær verslanir á Akureyri, við Langholt og Kjarnagötu. Finnur Oddsson, forstjóri Haga, segir í svari við fyrirspurn fréttastofu að engar ákvarðanir hafi hafi verið teknar um hvort til standi að loka versluninni við Langholt þegar nýja verslunin opnar, en um tveggja mínútna akstur er milli verslunarinnar við Langholt og Norðurtorgs.

Framtíðarstaðsetning

Haft er eftir Guðmundi Marteinssyni, framkvæmdastjóra Bónus, að hann sé afar ánægður með að samningar hafi náðst um verslun á Norðurtorgi sem litið sé á sem framtíðarstaðsetningu í verslun á Norðurlandi.

„Með versluninni munum við efla enn frekar þjónustu við íbúa Akureyrar og nærsveita og um leið þess fjölda ferðamanna sem sækir svæðið heim. Á Norðurtorgi eru fyrir öflugar verslanir og opnun Bónus mun styrkja verslunarkjarnann enn frekar þar sem að Bónus býður sama lága verðið um allt land og fjölbreytt vöruúrval. Mjög gott aðgengi verður að versluninni, með fjölda bílastæða, hreinlætisaðstöðu og rafhleðslustöðvum. Í næsta nágrenni er framtíðaruppbyggingarsvæði fyrir íbúðabyggð og því teljum við staðsetninguna afar góða til framtíðar litið,“ er haft eftir Guðmundi.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
7,5
53
497.955
SJOVA
2,75
16
322.070
VIS
2,56
21
553.923
SKEL
2,21
7
37.331
ARION
2,18
55
1.625.394

Mesta lækkun dagsins


Félag
Br.%
Fjöldi
Velta*
EIM
-1,67
31
804.054
HAGA
0
5
69.587
Velkomin á Vísi. Þessi vefur notar vafrakökur. Sjá nánar.