Varamennirnir kveiktu neistann þegar Ísland bjargaði stiginu í lokin: Myndir

Ísland og Norður Makedónía gerðu 2-2 jafntefli í undankeppni HM en staðan var 2-0 fyrir gestina fram á 78. mínútu leiksins.

Miðvörðurinn Brynjar Ingi Bjarnason og varamaðurinn Andri Lucas Guðjohnsen skoruðu mörk íslenska liðsins sem komu bæði eftir undirbúnings Alberts Guðmundssonar.

Albert fór á flug á lokakaflanum eftir mjög slaka frammistöðu fram eftir öllum leik. Hann sýndi það hins vegar í lokin að hann getur alveg farið fyrir sóknarleik íslenska liðsins.

Hulda Margrét Óladóttir var á leiknum á Laugardalsvelli í kvöld og tók þessar flottu myndir hér fyrir neðan.