Kia mest nýskráði framleiðandinn í ágúst

Kristinn Ásgeir Gylfason skrifar 3. september 2021 07:01

Flestar nýskráningar í ágúst voru á bílar framleiddir af Kia eða 143, Toyota var í örðu sæti með 134 nýjar bifreiðar nýskráðar. Hyundai í þriðja sæti með 77 nýskráningar.

Einungis 1046 ökutæki væru nýskráð í nýliðnum ágúst. Það er ekki ósvipað ágúst í fyrra þegar 1028 ökutæki voru nýskráð. Hins vegar voru rúmlega tvöfalt fleiri ökutæki nýskráð í júlí á þessu ári, eða 2144. Það er því mikill munir á milli mánaða en lítill á milli ára.

Fjöldi nýskráninga eftir tegund.Skjáskot

Toyota Rav4 var mest nýskráða undirtegundin í ágúst með 68 nýskráð eintök. Kia Sportage var í öðru sæti með 43 eintök og Mercedes-Benz Citan var í þriðja sæti með 37 eintök nýskráð.

Orkugjafar

Rafmagn var vinsælasti orkugjafinn í ágúst með 216 nýskráningar. Tengiltvinnbílar sem nota bensín á móti rafmagni voru í öðru sæti með 203 nýskráningar og dísel í þriðja sæti með 201. Bílar sem ganga eingöngu fyrir bensíni voru í fjórða sæti með 197 eintök nýskráð.

Fjöldi nýskráninga eftir undirtegund.Skjáskot

Ökutækisflokkur

Fólksbifreiðar voru 801 af 1046 nýskráðum ökutækjum. Sendibifreiðar voru 106 af heildarfjölda nýskráðra ökutækja og í öðrum flokkum var talsvert minna af nýskráningum.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.