Skipar nefnd sem tekur út viðbrögð stjórnvalda við faraldrinum

Hallgerður Kolbrún E. Jónsdóttir skrifar 31. ágúst 2021 14:08

Katrín Jakobsdóttir, forsætisráðherra, hefur skipað nefnd sem mun vinnna að úttekt á viðbrögðum stjórnvalda við Covid-19. Vísir/Vilhelm

Þriggja manna nefnd hefur verið skipuð af forsætisráðherra sem vinna mun úttekt á viðbrögðum stjórnvalda við Covid-19. Meginverkefni nefndarinnar verður að greina áfallastjórnun vegna faraldursins.

Þetta kemur fram í tilkynningu á vef stjórnarráðsins. Formaður nefndarinnar verður Ásthildur Elva Bernharðsdóttir, dósent við Háskólann á Bifröst, en auk hennar munu Guðný Björk Eydal, prófessor við Háskóla Íslands, og Trausti Fannar Valsson, dósent við Háskóla Íslands, sitja í nefndinni.

Nefndin mun meðal annars taka út hvernig stjórnvöld voru undirbúin til að takast á við faraldurinn, hvernig ákvarðanatöku var háttað, hvernig upplýsingum var miðlað og hvernig reynsla hafi verið nýtt jafnharðan til aðlögunar á stefnu og áætlanagerð.

Þá mun nefndin jafnframt fjalla um helstu samfélagslegu áhrif faraldursins. Gert er ráð fyrir að nefndin skili úttekt sinni í síðasta lagi 1. mars 2022.

Faraldur kórónuveiru (COVID-19) Ríkisstjórn Katrínar Jakobsdóttur Stjórnsýsla

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.