Bílar

Myndband: Ford F-150 Lightning undirvagninn til sýnis

Kristinn Ásgeir Gylfason skrifar
Ford F-150 Lightning.
Ford F-150 Lightning.

Ford F-150 Lightning er hreinn raf-pallbíll frá Ford. Nú hefur Ford sýnt undirvagn og rafhlöður bílsins. F-150 Lightning er framlag Ford í kapphlaupið um fyrsta raf-pallbílinn.

F-150 Lightning er hannaður til að vera yfirbygging á grind, á gamla mátann. Það er rökrétt að staðsetja rafhlöðurnar innan rammanns og vernda þær þar með auk þess sem það lækkar þyngdarpunkt bílsins og eykur akstursánægju ökumanna.

Staðsetning rafhlaðanna gerir auðvelt fyrir ef þarf að skipta um hluta þeirra. Svo virðisr sem þær séu í röðum á tveimur hæðum og eru einangraðar, í þeim skilningi að þær eru einungis festar á grindina.

RAM er að þróa raf-pallbíl sem er með svipaðri uppsetningu. Rivian R1T er líka svipaður nema að botninn í honum virðist vera flatari af myndum að dæma.

Teikning af undirvangi í F-150 Lightning.

Ford hefur ekki gefið upp afl rafhlaðanna í F-150 Lightning. Tvær útgáfur af drifrás verða í boði, annars vegar með drægni upp á um 370 km. og hins vegar með 483 km.

Fyrir framan rafhlöðurnar eru mótorar og sama fyrir aftan rafhlöðurnar. Bíllinn er því fjórhjóladrifinn.

F-150 Lightning verður fyrsti F-150 bíllinn með sjálfstæða afturfjöðrun. Sjálfstæð afturfjöðrun í samspili við lágan þyngdarpunkt ætti að skila afar skemmtilegum aksturseiginleikum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.