Geðdeild Landspítalans við Hringbraut. Mynd úr safni
Lögreglan útilokar ekki að ásetningur hafi legið að baki þegar kona, sem lögð hafði verið inn á geðdeild Landspítalans, lést fyrr í mánuðinum. Hjúkrunarfræðingur á geðdeildinni er grunuð um að hafa orðið valdur að dauða konunnar.
Samkvæmt heimildum fréttastofu útilokar lögreglan hvorki að andlátið hafi borið að með ásetningi eða gáleysi við rannsókn málsins. Hjúkrunarfræðingurinn, sem er konan á sextugsaldri, var úrskurðuð í vikulangt gæsluvarðhald á miðvikudag á grundvelli rannsóknarhagsmuna.
Sjúklingurinn var kona á sextugsaldri sem lést fyrr í þessum mánuði en lögreglu grunar að andlátið hafi borið að með saknæmum hætti. Heimildir fréttastofu herma að konan hafi kafnað í matmálstíma.
Lögreglan verst alla fregna vegna rannsóknar málsins sem og Landspítalinn sem tilkynnti málið til lögreglu.
Hjúkrunarfræðingur á geðdeild Landspítalans hefur verið úrskurðaður í gæsluvarðhald vegna gruns um manndráp. Heimildir fréttastofu herma að hjúkrunarfræðingurinn hafi reynt að þvinga mat ofan í sjúkling með þeim afleiðingum að hann kafnaði. Sjúklingurinn var kona á sextugsaldri en hún lést fyrr í þessum mánuði.
Málfríður Hrund Einarsdóttir, formaður Hugarafls, harmar andlát sem talið er hafa borið að með saknæmum hætti á geðdeild Landspítalans fyrr í mánuðinum en segir atvikið ekki koma sér á óvart.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
