Viðskipti innlent

Klámhögg fyrir OnlyFans-stjörnur

Snorri Másson skrifar
Notendur OnlyFans eru um 130 milljónir.
Notendur OnlyFans eru um 130 milljónir. Jakub Porzycki/Nur Photo via Getty Images

Vefþjónustan OnlyFans segist vera að banna klám á miðlum sínum, en kynferðislegt myndefni hefur verið helsti punktur forritsins frá upphafi. Talsmenn fyrirtækisins segja að nekt verði áfram leyfð, en að samhengi hennar verði að vera í takt við viðmið síðunnar.

Eins og flestir þekkja núorðið hérlendis gerir OnlyFans fólki kleift að halda úti lokuðu vefsvæði með nektarmyndum og -myndböndum af sér, sem viðskiptavinir greiða síðan fyrir aðgang að. Nokkrir Íslendingar hafa auðgast nokkuð af því að halda úti OnlyFans-síðu, eða í öllu falli verið færir um að sjá sér farborða með tekjunum.

Nú kann að stefna í óefni fyrir þann hóp, enda virðast OnlyFans ætla að herða reglurnar. Nokkuð loðið er hvort alvara sé í áformunum um að „banna klám“ – enda taka talsmennirnir skýrt fram að nekt í mynd og myndbandsformi sé áfram leyfð.

Nektin þarf þó núna að vera í samræmi við sérstök notendaviðmið síðunnar (e. Acceptable Use Policy.) Breytingarnar taka ekki gildi fyrr en í október, þannig að ólíklegt er að skýrist fyrr en þá hvaða þýðingu þær hafa fyrir notendur síðunnar.

OnlyFans segist vera að gera þetta til þess að tryggja lífvænleika fyrirtækisins til lengri tíma – sem erlendir viðskiptamiðlar skilja á þann veg að fjárfestum hafi einfaldlega ekki litist á allt klámið. Í því sambandi hlýtur þó að vera óhjákvæmilegt að líta til þess að það er einmitt klámið sem hefur skotið fyrirtækinu upp á stjörnuhimininn – og inn í daglegt líf fleiri en 100 milljóna notenda. Það er metið á um milljarð Bandaríkjadala.


Tengdar fréttir

Tekjur Íslendinga: Onlyfans-stjarna er tekjuhæsti áhrifavaldurinn

Samkvæmt Tekjublaði Frjálsrar Verslunar sem kom út í dag þénaði Klara Sif Magnúsdóttir rúmlega eina milljón króna á mánuði árið 2020. Helsta tekjulind Klöru Sifjar er vefsíðan Onlyfans, en hún selur áskrifendum sínum aðgang að erótísku efni í gegnum síðuna.

57 ára á OnlyFans: „Ég sýni erótískar hreyfingar en ekki kynlíf“

„Reyndar hefði ég ekki gert þetta þegar ég var ung kona. Ég hefði ekki þorað því vegna hræðslu við umtal, útskúfun og fleira í þeim dúr, þó að mig hefði langað til þess.“ Segir 57 ára gömul kona sem kallar sig Your Silver Siren, en hún er ein af þeim íslensku konum sem birta erótískt efni á síðunni OnlyFans.

On­lyFans ekki „easy mon­ey heldur vinna“

Undanfarið hefur mikið verið rætt um vefsíðuna Onlyfans.com hér á landi, en nokkrir ungir Íslendingar hafa stigið fram opinberlega og greint frá hvernig þeir hafi þénað milljónir á því að selja áskrifendum sínum erótískt eða jafnvel klámfengð heimatilbúið myndefni.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.