Veiði

Nýjar vikulegar veiðitölur á rólegu sumri

Karl Lúðvíksson skrifar
Nýgengin lax úr Eystri Rangá
Nýgengin lax úr Eystri Rangá Mynd: KL

Nýjar vikulegar veiðitölur voru birtar í morgun á vef Landssambands Veiðifélaga og þær staðfesta að þetta er ansi hreint rólegt sumar í lang flestum ánum.

Eystri Rangá er ennþá á toppnum yfir aflahæstu árnar en heildarveiði upp á 313 laxa er næstbesta vikutalan á landinu en þó langt undir væntingum með ánna og nokkuð ljóst að hún verður undir meðveiði síðustu ára. Eystri Rangá er komin í 1.608 laxa. Besta vikuveiðin var í Ytri Rangá en þar veiddust 358 laxar og áinn komin í 1.417 laxa.

Nýjar tölur eru ekki komnar úr Norðurá en hún stóð í 1.030 löxum í síðustu viku og er í þiðrja sæti listans. 170 laxar veiddust í Miðfjarðará sem er komin í 989 laxa í fjórða sæti listans. Næstu ár eru síðan Þverá/Kjarrá og Urriðafoss en þar vantar uppfærðar veiðitölur.

Síðasta viku var mjög erfið í mörgum ánum sökum hita, fallandi vatns og sólríkra daga en dæmi um afar slaka viku í mörgum ám má til dæmis nefna 36 laxa í Haffjarðará, 29 laxar í Langá,  36 laxar í Laxá í Kjós og 26 laxar í Laxá í Aðaldal. Nokkrar ár áttu skárri viku en þar má til dæmis nefna Grímsá með 65 laxa, Selá með 85 laxa og Hofsá með 63 laxa. 

Heilt yfir er þetta sumar bara að stefna í að vera vel undir meðallagi en einhverjar árnar eru þó þekktar fyrir að eiga oft ágæta hauststpretti en þá er enmgu að síður verið að kasta á legna laxa. Göngurnar þetta tímabilið eru meira og minna búnar nema þá helst í Rangánum, Jöklu og í einhverjum af ánum fyrir norðan. Þó að það komi inn eitthvað slangur í árnar er það ekki að fara breyta neinu með þetta sumar.

Eitt gott dæmi um þetta er holl sem lauk nýlega veiðum í einni af bestu ánum fyrir norðan á besta tíma, holl mannað nokkrum af bestu veiðimönnum landsins. Fjórar stangir, þrír dagar, tveir laxar.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.