Veiði

Mikið líf í Ölfusárósnum

Karl Lúðvíksson skrifar
Það veiðast oft flottir sjóbirtingar í Ölfusársónum
Það veiðast oft flottir sjóbirtingar í Ölfusársónum Mynd úr safni

Ölfusárósinn hefur í gegnum árin verið misvel sóttur þrátt fyrir að þarna sé veiðivon góð og mikill fiskur á ferðinni.

Fiskurinn sem þarna fer um er bæði lax, bleikja og sjóbirtingur og stundum er afskaplega mikið af bleikju og sjóbirting þá sérstaklega á þessum árstíma. Veiðin á svæðinu hefur síðustu ár sveiflast frá því að vera ráðandi vestan megin yfir í að mesti hluti fisksins virðist ganga með landinu Eyrarbakkameginn. Það sem ræður þessu er hreyfing á sandinum sem breytir straumnum og þetta sumarið er straumurinn ennþá ríkjandi austanmeginn.

Þeir sem hafa verið að kíkja þarna síðustu daga hafa oft gert ágæta veiði enda hefur veður svo til engin áhrif á veiðina. Það er lykilatriði að vera kominn um það bil tvo tíma fyrir flóð og veiða í aðfallinu, liggjandanum og síðan alla vega fyrsta klukkutímann í fráfallinu. Það þarf ekkert að vaða út því sjóbirtingurinn og bleikjan taka oft alveg upp við land. Þarna má oft fá væna fiska og það kemur fyrir nokkuð oft í júní og júlí að veiðimenn setji í væna laxa þarna líka. Besta veiðin er á flugu, þá sérstaklega hefur stór Sunray með glitri í vængnum, veidd á sökkenda enda intermediate línu verið að virka mjög vel.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.