Viðskipti erlent

Kynna nýja samloku- og langlokusíma á miðvikudaginn

Samúel Karl Ólason skrifar
Forsvarsmenn Samsung hafa gefið út að ný kynslóð Galaxy Note símanna verði ekki opinberuð á þessu ári.
Forsvarsmenn Samsung hafa gefið út að ný kynslóð Galaxy Note símanna verði ekki opinberuð á þessu ári. EPA/YONHAP

Tæknirisinn Samsung mun kynna nýjustu snjalltæki fyrirtækisins á miðvikudaginn. Það verður gert á Unpacked 2021, árlegri kynningu fyrirtækisins, og er fastlega búist við því að nýjar útgáfur tveggja samanbrjótanlegra síma verði opinberaðar.

Tækniblaðamenn ytra búast fastlega við því að Samsung muni kynna þriðju kynslóð Galaxy Fold og Galaxy Flop. Þeir símar eru samanbrjótanlegir og myndum af símunum hefur lekið á netið.

Fyrirtækið sjálft hefur svo gott sem staðfest þessa leka á síðu Unpacked 2021 þar sem merki kynningarinnar er mynd af símunum tveimur.

Forsvarsmenn Samsung hafa gefið út að ný kynslóð Galaxy Note símanna verði ekki opinberuð á þessu ári. Í frétt Techcrunch segir að það sé mögulega vegna heimslægum skorti á hálfleiðurum.

Hér má sjá myndir sem hafa verið birtar á netinu og eiga að vera af Galaxy Fold og Galaxy Flop.

Netverjar hafa einnig sagt að verð símanna í Evrópu verði 1.099 evrur fyrir Flip og 1.899 evrur fyrir Fold. Reynist það rétt yrði það lækkun frá fyrri kynslóðum.

Einnig er fastlega búist við því að Samsung muni kynna nýja kynslóð Galaxy Watch snjallúra fyrirtækisins og sömuleiðis ný Galaxy Buds heyrnartól.

Galaxy Watch 4 og Galaxy Watch 4 Classic eru talin eiga að kosta 279 evrur annars vegar og 379 evrur hinsvegar.

Eins og áður segir verður kynningin á miðvikudaginn og á hún að hefjast klukkan tvö að íslenskum tíma.


Tengdar fréttir

TT3 kaupir Ormsson og SRX

TT3 ehf. hefur keypt allt hlutafé í raftækjaheildversluninni SRX ehf. og Ormsson ehf. Með kaupunum munu fyrirtækin SRX ehf. og Ormsson ehf. verða sameinuð sem mun gefa mikla möguleika á kostnaðarhagræðingu og aukinni hagkvæmni vegna stærðar og breiddar, segir í tilkynningu. Kaupin hafa verið samþykkt af Samkeppniseftirlitinu.

Ný kynslóð síma Samsung lítur dagsins ljós

Starfsmenn tæknirisans Samsung kynntu nýja síma og önnur tól á fjarkynningu í dag. Símarnir vöktu þó mesta athygli og það að töluverð breyting hefur verið gerð á myndavélum í símum Samsung.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICESEA
2,5
16
130.740
ORIGO
2,19
7
24.207
VIS
1,85
18
408.869
KVIKA
1,45
52
1.136.884
ISB
1,28
48
332.100

Mesta lækkun dagsins


Félag
Br.%
Fjöldi
Velta*
SIMINN
-2,44
31
258.730
ICEAIR
-2,26
53
49.715
HAGA
-0,78
11
200.710
MAREL
-0,24
16
15.792
REGINN
0
3
7.306
Velkomin á Vísi. Þessi vefur notar vafrakökur. Sjá nánar.