Rangers hóf titilvörnina af krafti

Liverpool goðsögnin Steven Gerrard vann sinn fyrsta deildarmeistaratitil á ferlinum þegar hann stýrði Rangers til sigurs í deildinni í fyrra og mótið í ár byrjar vel fyrir bláa liðið í Glasgow.

Ianis Hagi opnaði markareikninginn strax á 8.mínútu og reyndist það eina mark fyrri hálfleiks.

Staðan var 1-0 allt þar til á 78.mínútu þegar Scott Wright kom Rangers í 2-0.

Það var svo Kemar Roofe, fyrrum leikmaður Víkings og Leeds United, sem gulltryggði öruggan sigur Rangers með þriðja markinu á 90.mínútu.