Samstarf

Kylfingar keppa um golfferð til Portúgal

Sódavantssystur
Meistaramótið í Betri bolta stendur nú sem hæst en sigurvegarar lokamótsins vinna golfferð til Portúgal og spila á Pinheiros Altos golfvellinum á Algarve. Enn er hægt að taka þátt í netkeppni.
Meistaramótið í Betri bolta stendur nú sem hæst en sigurvegarar lokamótsins vinna golfferð til Portúgal og spila á Pinheiros Altos golfvellinum á Algarve. Enn er hægt að taka þátt í netkeppni.

Enn er hægt að taka þátt í Meistaramótinu í Betri bolta og freista þess að vinna sæti á lokamótinu en sigurlið lokamótsins fær ferð til Portúgal.

„Þetta verður æsispennandi. Golfmótin sem eru búin hafa gengið mjög vel og verið virkilega skemmtileg. Nú þegar hafa yfir 30 pör tryggt sér þátttökurétt á lokmótinu. Það er eftir miklu að slægjast,“ segir Valdís Arnardóttir, en hún og Kristín Eysteinsdóttir eru leyfishafar International Pairs á Íslandi og standa fyrir Meistaramótinu í Betri bolta sem hefur verið á fljúgandi siglingu í sumar.

Valdís Arnardóttir og Kristín Eysteinsdóttir eru leyfishafar International Pairs á Íslandi og standa fyrir Meistaramótinu í Betri bolta.

Enn er hægt að taka þátt og freista þess að vinna sæti á lokamótinu sem haldið verður í Kiðjabergi þann 29. ágúst en sigurlið lokamótsins fær ferð til Portúgal þar sem það tekur þátt í alþjóðlegu móti í betri bolta, International Pairs, í október n.k.

Fleiri geta tekið þátt gegnum netið

Þær Valdís og Kristín segja fyrirkomulagið á mótinu nýtt fyrir Íslendingum en Meistaramótið í betri bolta er annars vegar netkeppni og hins vegar opin úrtökumót sem hafa verið haldin víða í sumar og eru enn í gangi.

Þrjátíu pör hafa þegar tryggt sér þátttökurétt á lokamótinu. Enn er hægt að taka þátt gegnum netkeppnina og freista þess að vinna ferð til Portúgal.

„Við höfum heyrt að þetta þyki dálítið flókið. Golfmót á netinu er vissulega nýtt af nálinni hér á landi en með netkeppninni er verið að gefa fleirum en þeim sem hafa tekið þátt í opnu mótunum tækifæri til þess að taka þátt í lokamótinu og freista þess að keppa í Portúgal. Það er því um að gera að freista gæfunnar og vera með í netkeppninni sem stendur til 16. ágúst,“ segir Kristín en fimm kylfingar úr netkeppninni, ásamt efstu liðinunum úr hverju opnu móti, öðlast þátttökurétt á Kiðjabergi.

Hvernig tek ég þátt?

Allir kylfingar 18 ára og eldri sem eru skráðir í golfklúbb geta tekið þátt í Netkeppninni, Skráning fer fram hér og er þátttökugjald 3.900 krónur. Kylfingur þarf að búa til notendanafn og lykilorð á www. meistaramot.is og á „þínu svæði“ eru skráð bestu punktaskor keppendanna. Meðaltal þriggja efstu skora gildir og komast fimm efstu keppendurnir í netkeppninni áfram í lokamótið í Kiðjabergi 29. Ágúst. Allir löglegir 18 holu hringir sem skráðir eru til forgjafar gilda og hægt er að uppfæra skráð skor eins oft og þarf fram til 16. ágúst.

„Eins og áður sagði þá er þetta ný leið og hægt að nota vel spilaða hringi, skrá þá og freista þannig gæfunnar. Allt snýst þetta um að komast á lokamótið í Kiðjabergi og eiga möguleika á að vinna ferðina til Portúgals,“ segir Kristín.

Pinheiros Altos golfvöllurinn á Algarve. Gist verður á fimm stjörnu hóteli í fjórar nætur en mótið sjálft er tveir dagar. 

Verðlaunin golf í sólinni í Portúgal

Alþjóðlega golfmótið er haldið á Pinheiros Altos Golfvellinum á Algarve í Portúgal og yfir 30 aðrar þjóðir taka þátt. Það er stórglæsilegur golfvöllur þar sem spilað er við bestu aðstæður. Mótið sjálft er tveir dagar, auk þess sem spilaður er æfingahringur. Gist er á Dona Filipa, glæsilegu fimm stjörnu hóteli í fjórar nætur.

„Þetta er glæsilegt mót í alla staði og mjög flott skipulagt prógramm er fyrir keppendur meðan á mótinu stendur með kvöldverðum, mótttökum og skemmtilegum uppákomum. Kylfingarnir frá Íslandi fá því frábært tækifæri til þess að mynda tengsl við áhugmenn frá öðrum löndum,“ segir Valdís.

Nánari upplýsingar á www.meistaramot.is





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×