Innlent

Tveir smitaðir á Seyðisfirði þar sem hátíðin LungA fór fram um helgina

Elísabet Inga Sigurðardóttir skrifar
Listahátíðin LungA.
Listahátíðin LungA. MYND/TIMOTHÉE LABBRECQ

Tveir hafa greinst smitaðir á Seyðisfirði síðustu daga en listahátíðin LungA fór fram í bænum um helgina.

Annar hinna smituðu er rakinn til veitingastaðar síðastliðinn miðvikudag og er búið að hafa samband við alla útsetta og smitrakningu lokið. Hitt smitið kom upp í dag en samkvæmt færslu sem skrifuð var á Facebook síðu hátíðarinnar nær smitmengi þess aðila einungis til sunnudags og að þeir sem séu útsettir hafi verið settir í sóttkví.

„Ekki er um hópsmit að ræða en við munum að sjálfsögðu miðla þeim upplýsingum áfram sem við kunnum að fá í framhaldinu,“ segir í færslunni.

Skipuleggjendur hvetja alla gesti hátíðarinnar til að fylgjast með einkennum og fara í skimun ef einhver einkenni koma í ljós.


Tengdar fréttir



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.