Viðskipti innlent

ÁTVR kærir Arnar til lögreglu og skattayfirvalda

Eiður Þór Árnason skrifar
Arnar Sigurðsson er eigandi Santewines SAS og Sante.
Arnar Sigurðsson er eigandi Santewines SAS og Sante. Facebook

Áfengis- og tóbaksverslun ríkisins (ÁTVR) hefur kært Arnar Sigurðsson, frönsku netverslunina Santewines SAS og innflutningsfyrirtækið Sante ehf. til lögreglu og Skattsins. Fyrirtækið er sakað um að standa ekki skil á innheimtum virðisaukaskatti.

Þetta kemur fram í Morgunblaðinu en samkvæmt bréfum sem blaðið hefur undir höndum hafa kærur einnig verið lagðar fram gagnvart Bjórlandi ehf., Brugghúsinu Steðja ehf. og eigendum fyrirtækjanna.

Arnar Sigurðsson, eigandi Santewines SAS og Sante ehf., rekur netverslun með áfengi sem er með lager á Íslandi. Það vakti nokkra athygli í maí þegar Sante hóf að selja vín á vefsíðu sinni og bjóða upp á skjóta heimsendingu.

ÁTVR gaf út skömmu síðar að unnið væri að því að fá lögbann á starfsemina þar sem um væri að ræða skýrt brot á einkaleyfi ÁTVR til að selja og afhenda áfengi í smásölu. Arnar hefur alla tíð haldið því fram að fyrirkomulag vefverslunarinnar rúmist innan ramma laganna þar sem viðskiptavinir eigi í viðskiptum við franska fyrirtækið. Einstaklingum er heimilt að kaupa áfengi í erlendum vefverslunum en forsvarsmenn ÁTVR telja að rekstur Sante brjóti gegn lögum.

ÁTVR kallar eftir rannsókn á starfsemi vefverslunarinnar Sante. Vísir/Vilhelm

Fara fram á fangelsisrefsingu

Í kæru til lögreglu er kallað eftir rannsókn á meintum brotum Arnars og sagt að viðskiptin sem franska félagið Santewines SAS bjóði upp á sé „augljós málamyndagjörningur.“ Vínið sem selt sé til neytenda sé flutt inn af hinu íslenska Sante ehf. en svo selt áfram til Santewines SAS sem selji það svo áfram í gegnum verslun sína á netinu. Í millitíðinni flytjist vínin hins vegar ekki milli landa og séu vistuð á sama lagernum sem staðsettur er hér á landi.

„Ljóst er að ef um raunverulega sölu Sante ehf. úr landi væri að ræða þá þyrfti franska félagið að flytja áfengið inn að nýju áður en það yrði selt hér í smásölu,“ segir í kæru ÁTVR sem Morgunblaðið hefur undir höndum. Brotin varða sektum eða fangelsi að mati ÁTVR.

Í bréfi ÁTVR til Skattsins segir að franska félagið hafi hvorki íslenska kennitölu né virðisaukaskattsnúmer. Ellefu prósent virðisaukaskattur sé lagður á vörur en félagið hafi enga heimild til að innheimta virðisaukaskatt hér á landi. 

Á heimasíðu Sante er gefið upp virðisaukaskattsnúmerið 140848 sem er skráð á persónulega kennitölu Arnars. ÁTVR heldur því fram í bréfinu að „ekkert bendi til þess“ að franska félagið greiði raunverulega skatta og skyldur af áfenginu.


Tengdar fréttir

ÁTVR ætlar að kæra vínkaupmann til lögreglu

Áfengis- og tóbaksverslun ríkisins hefur hafið undirbúning að beiðni um lögbann á vefverslunum með áfengi hér á landi, sem ekki eru á vegum ríkisverslunarinnar.

Hægt að fá vín á N1 á sunnudegi

Áfengis- og tóbaksverslun ríkisins tilkynnti um metár í rekstri sínum í ársskýrslu í gær, með yfir 50 milljarða veltu. Á sama tíma hafa fleiri en 1.000 vínpantanir þegar borist Arnari Sigurðssyni vínkaupmanni, sem hóf á dögunum að reka vefverslun með áfengi í gegnum franskt fyrirtæki, sem er þó með lager á Íslandi.

Nýja vín­búðin fer í sam­­keppni við ÁTVR

Á­fengis- og tóbaks­verslun ríkisins er komin með nýjan sam­keppnis­aðila, sem stílar inn á ís­lenskan markað. Net­verslunin Nýja vín­búðin opnaði fyrir um tveimur vikum en það er við­skipta­maðurinn Sverrir Einar Ei­ríks­son sem rekur hana. Sverrir á litríka viðskiptasögu að baki en hann hefur meðal annars keypt gull og veitt 95 prósenta fasteignalán.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
BRIM
8,18
23
296.088
SVN
7,04
60
488.784
ORIGO
5,93
18
29.164
KVIKA
5,63
57
667.385
SJOVA
4,44
28
270.234

Mesta lækkun dagsins


Félag
Br.%
Fjöldi
Velta*
SYN
0
6
10.828
Velkomin á Vísi. Þessi vefur notar vafrakökur. Sjá nánar.