Þetta veiðisvæði hefur notið mikilla vinsælda undanfarin ár enda ekkert skrítið þegar veiðitölur eru skoðaðar. Þetta er frekar auðveitt svæði og öll aðstaða og aðgengi að veiðistöðum er eins og best verður á kosið. Mesta veiðin er svolítið einskorðuð við fáa veiðistaði en þetta er það mikið vatn að tvær stangir veiða flesta staðina saman mjög auðveldlega.
Nú er loksins komin sá tími sem fyrstu stóru göngurnar fara að láta sjá sig og það hefur verið nokkuð líf og fjör þarna síðustu tvo til þrjá daga. Í gær var til að mynda tveimur löxum sem mældust 100 sm langir landað en heildarveiði gærdagsins var níu laxar sem er mjög viðundandi á þessum tíma. Framundan er vaxandi straumur og nú bíða allir eftir því að eins árs laxinn fari að sýna sig.
