Lifnar yfir Stóru Laxá með hækkandi vatni Karl Lúðvíksson skrifar 10. september 2020 14:58 Mynd: Árni Baldursson FB Það er alveg dæmigert fyrir Stóru Laxá að um leið og það fer að rigna hressilega á haustin þá fer takan í gang. Þetta er ekki bara hækkandi vatn sem skilar aukinni veiði heldur einnig virðist laxinn, eða í það minnsta hluti af stofninum í ánni, haga sér þannig að hann bíður átekta við Iðu þangað til vatnið í Stóru Laxá verður dæmigert hátt haustvatn og þá fer hann að ganga í ánna. Laxinn er auðvitað löngu kominn í haustbúning á þessum tíma svo að kalla hann nýgenginn er auðvitað ekki alveg rétt en hann er í það minnsta nýgenginn í Stóru. Það hefur verið gott skot í ánni síðasta sólarhring og þeir sem fylgjast með stórveiðimanninum Árna Baldurssyni hjá Lax-Á hafa fagnað hverjum laxi sem hefur verið póstað á Facebook hjá honum og Tómasi Lorange sem er við veiðar þar líka. Þessi flotti hængur sem sést á myndinni var einmitt tekinn í Stóru Laxá áðan og það var Tómas sem veiddi hann í Kálfhagahyl. Haustskotin sem áinn er fræg fyrir eru kannski loksins að detta inn núna, aðeins á eftir áætlun en við fögnum því bara samt fyrir þeirra hönd sem eiga daga þarna á næstunni. Stangveiði Mest lesið 60-80 laxar á dag úr Eystri Rangá Veiði 22 útskrifaðir úr námi í veiðileiðsögn Veiði Dagur 2 í Ytri-Rangá: Alls 16 á land Veiði Náði 12 punda urriða í Kleifarvatni Veiði Fréttabréf Landssambands Veiðifélaga er komið út Veiði Nýjasti þátturinn af Árbakkanum Veiði Veiði hafin í Veiðivötnum Veiði Gullfiskur í Elliðaánum Veiði Vikulegar veiðitölur úr laxveiðiánum Veiði Eystri Rangá sýnir sínar bestu hliðar Veiði
Það er alveg dæmigert fyrir Stóru Laxá að um leið og það fer að rigna hressilega á haustin þá fer takan í gang. Þetta er ekki bara hækkandi vatn sem skilar aukinni veiði heldur einnig virðist laxinn, eða í það minnsta hluti af stofninum í ánni, haga sér þannig að hann bíður átekta við Iðu þangað til vatnið í Stóru Laxá verður dæmigert hátt haustvatn og þá fer hann að ganga í ánna. Laxinn er auðvitað löngu kominn í haustbúning á þessum tíma svo að kalla hann nýgenginn er auðvitað ekki alveg rétt en hann er í það minnsta nýgenginn í Stóru. Það hefur verið gott skot í ánni síðasta sólarhring og þeir sem fylgjast með stórveiðimanninum Árna Baldurssyni hjá Lax-Á hafa fagnað hverjum laxi sem hefur verið póstað á Facebook hjá honum og Tómasi Lorange sem er við veiðar þar líka. Þessi flotti hængur sem sést á myndinni var einmitt tekinn í Stóru Laxá áðan og það var Tómas sem veiddi hann í Kálfhagahyl. Haustskotin sem áinn er fræg fyrir eru kannski loksins að detta inn núna, aðeins á eftir áætlun en við fögnum því bara samt fyrir þeirra hönd sem eiga daga þarna á næstunni.
Stangveiði Mest lesið 60-80 laxar á dag úr Eystri Rangá Veiði 22 útskrifaðir úr námi í veiðileiðsögn Veiði Dagur 2 í Ytri-Rangá: Alls 16 á land Veiði Náði 12 punda urriða í Kleifarvatni Veiði Fréttabréf Landssambands Veiðifélaga er komið út Veiði Nýjasti þátturinn af Árbakkanum Veiði Veiði hafin í Veiðivötnum Veiði Gullfiskur í Elliðaánum Veiði Vikulegar veiðitölur úr laxveiðiánum Veiði Eystri Rangá sýnir sínar bestu hliðar Veiði