Veiði

Nýr Friggi á tvíkrækju

Karl Lúðvíksson skrifar
Skuggalega veiðileg. Nýji Frigginn
Skuggalega veiðileg. Nýji Frigginn Mynd: Baldur Hermannsson

Það styttist óðum í að laxveiðiárnar opni fyrir veiðimenn og þeir allra hörðustu eru þegar farnir að skoða í boxin og kaupa inn fyrir fyrstu túrana.

Eitt af því skemmtilegasta sem hver veiðimaður gerir er að raða í fluguboxin og spá í hvað á að nota í sumar. Oft eiga gamlar góðar flugur sem hver og einn heldur mest uppá sitt pláss en það er líka pláss fyrir nýjar flugur og það er virkilega gaman að prófa nýja flugu svo ég tali ekki um ef maður setur svo í lax á hana.

Fluguna Frigga þekkja margir en hún hefur mörgum reynst vel og gefur marga laxa á hverju sumri. Túpan þykir mönnum hins vegar oft heldur groodaraleg í litlu vatni og það er þess vegna afskaplega gaman að sjá höfund Frigga, Baldur Hermannsson, kynna nýjan Frigga til leiks. Það sem margir telja gera Frigga svona gjöfulan er vængurinn sem er tvöfaldur og liggur út til hliðana. Þetta gerir fluguna sýnilegri en ögrun hennar og hreyfing af þessum sökum í vatninu er víst það sem gerir laxana óða. Nú er Friggi kominn á tvíkrækju með þessu einstaka vænglagi og það er nokkuð víst að aðdáendur Frigga eiga eftir að nota þessa grimmt í sumar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.