Innlent

Jón Þór og Brynjar ræða Ásmundarsalarmálið á Sprengisandi

Vésteinn Örn Pétursson skrifar
Sprengisandur hefst klukkan 10.
Sprengisandur hefst klukkan 10.

Þjóðmálaþátturinn Sprengisandur er á dagskrá á Bylgjunni frá klukkan tíu til tólf í dag. Kristján Kristjánsson fær til sín ýmsa gesti og fer yfir það sem efst er á baugi í samfélaginu hverju sinni.

Fyrstur viðmælenda í dag er Ásgeir Jónsson seðlabankastjóra að fjalla um verðbólgu, vexti, húsnæðisverð, inngrip seðlabankans á húsnæðismarkað og tilgang þeirrar aðgerðar.

Óli Björn Kárason, þingmaður Sjálfstæðisflokksins, verður á línunni að norðan. Nýverið sagði hann að Sjálfstæðisflokkurinn gæti ekki setið í ríkisstjórn þar sem verið væri að ríkisvæða heilbrigðiskerfið, hvað þýðir svona yfirlýsing og hvaða pólitísk áhrif hefur hún?

Jón Þór Ólafsson, Pírati og formaður Stjórnskipunar- og eftirlitsnefndar Alþingis ætlar að skiptast á skoðunum við Brynjar Níelsson alþingismann um Ásmundarsalsmálið.

Erna Bjarnadóttir forsprakki áhugahóps um heilsu kvenna og Valgerður Sigurðardóttir formaður Krabbameinsfélagsins fjalla um stöðuna í hinu umdeilda máli sem kennt er við skimanir vegna leghálskrabbameins og rannsókn þeirra sýna sem þar eru tekin.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×