Viðskipti innlent

Fasteignafélag stofnað utan um húsnæði Háskóla Íslands

Árni Sæberg skrifar
Jón Atli Benediktsson og Bjarni Benediktsson við undirritun stofnsamnings um nýtt fasteignafélag.
Jón Atli Benediktsson og Bjarni Benediktsson við undirritun stofnsamnings um nýtt fasteignafélag. Stjórnarráðið

Bjarni Benediktsson, fjármála- og efnahagsráðherra, og Jón Atli Benediktsson, rektor Háskóla Íslands, gengu í gær formlega frá stofnun sérstaks fasteignafélags um eignarhald og umsjá fasteigna sem nýttar eru í starfsemi skólans.

Fasteignir skólans verða nú færðar í fasteignafélag sem mun rukka skólann um leigu fyrir afnot fasteignanna. Miðað verður við að leigan verði hóflegt endurgjald eða jafnvel raunkostnaður.

Með þessu er verið að uppfylla þau grunnsjónarmið sem koma fram í lögum um opinber fjármál um sérhæfða eignaumsýslu og fjárhagslegt gagnsæi við húsnæðisrekstur.

Jón Atli Benediktsson, rektor Háskóla Íslands, er þakklátur öllum þeim sem komið hafa að stofnun félagsins síðastliðin tvö ár. „Lögð var rík áhersla á að rekstur fasteigna undir starfsemi Háskólans yrði sem næst stjórnsýslu hans enda hefur verið staðið vel að uppbyggingu fasteigna undir starfsemina allt frá stofnun skólans. Af þessum sökum óskaði Háskólinn eftir því að stofnað yrði sérstakt félag utan fasteignirnar og er það mjög ánægjulegt að stjórnvöld hafi orðið við þeirri beiðni háskólans með stofnun þessa félags,“ segir hann.

Fasteignasafnið þjóni sem best hagsmunum Háskólans

Í tilkynningu fjármála- og efnahagsráðuneytisins segir að á undanförnum árum hafi markvisst verið unnið að því að byggja upp miðlæga og faglega umsýslu á eignasafni ríkisins ásamt því að auka fjárhagslegt gagnsæi við rekstur fasteigna. Með stofnun fasteignafélags um fasteignir Háskóla Íslands sé mikilvægt skref stigið í þá átt að ljúka þeirri vinnu.

Breyttu fyrirkomulagi er ætlað að tryggja að nauðsynleg sérþekking sé til staðar í tengslum við viðhald og umsýslu sérhæfðra eigna háskólans sem eru nátengd starfseminni og koma í veg fyrir að viðhaldsskuld geti myndast í fasteignarekstrinum.

„Með stofnun fasteignafélagsins er tryggt að kostnaður við rekstur fasteignanna verður sýnilegur án þess að það komi niður á fjárhagslegri getu háskólans til veita þá þjónustu sem honum er ætlað að veita. Þetta skapar fjárhagslegt aðhald og hvata til hagræðingar í rekstri húsnæðis, bæði með betri nýtingu og með þróun fasteignasafnsins þannig að það þjóni sem best hagsmunum háskólans,“ segir Bjarni Benediktsson um stofnun fasteignafélagsins.

Háskólinn er um hundrað þúsund fermetrar

Háskóli Íslands nýtir um 100 þúsund fermetra af húsnæði fyrir starfsemi sína í dag í nokkrum tugum bygginga. Til viðbótar leigir háskólinn um fimm þúsund fermetra. Til samanburðar þá nýtir Landspítalinn um 162 þúsund fermetra undir sína starfsemi og Ríkiseignir eru með yfir 500 þúsund fermetra í sinni umsýslu víðsvegar um landið.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
0,68
9
10.090
FESTI
0,5
1
10.100
HAGA
0
5
72.825
SKEL
0
2
4.158
REGINN
0
1
10.500

Mesta lækkun dagsins


Félag
Br.%
Fjöldi
Velta*
ORIGO
-2,54
3
2.974
ARION
-1,22
20
429.595
SJOVA
-1,12
14
81.874
BRIM
-0,91
1
7.050
ICESEA
-0,59
1
33.800
Velkomin á Vísi. Þessi vefur notar vafrakökur. Sjá nánar.