Neytendur

Hörgull á hvítum Monster vegna mikillar eftirspurnar og skorts á hráefni

Birgir Olgeirsson skrifar
Hér má sjá hvítan Monster við hlið annarra orkudrykkja í verslunarhillu.
Hér má sjá hvítan Monster við hlið annarra orkudrykkja í verslunarhillu. Vísir

Unnendur Monster-orkudrykkjanna hafa margir hverjir klórað sér í höfðinu yfir því hvers vegna sá hvíti, Monster Ultra White Zero Energy Drink, sé nánast ófáanlegur á landinu? Hefur algjört æði gripið landann eða hefur framleiðslunni verið hætt?

Þeir sem sjá um að flytja inn þennan drykk segja svarið einfalt, eftirspurnin sé gífurleg og framboðið takmarkað.

Stærstu innflytjendur Monster-orkudrykkja hér á landi eru Costco og Coca-Cola European Partners.

„Þú ert ekki sá fyrsti og ekki sá síðasti til að hringja í okkur út af þessu,“ sagði starfsmaður á skiptiborðinu hjá Coca-Cola European Partners á Íslandi þegar reynt var nálgast upplýsinga um málið. Samband fékkst við Einar Snorra Magnússon, forstjóra Coca Cola Íslandi, sem segir hvítan Monster rjúka úr hillum verslana um leið og hann sé fáanlegur. Drykkurinn hefur  verið uppseldur undanfarið og fá starfsmenn Coca Cola fjölda fyrirspurna vegna þessa ástands.

Einar segir mikla eftirspurn eftir drykknum en framleiðandinn hafi einnig lent í vandræðum vegna skorts á áldósum, líkt og erlendir miðlar fjölluðu um í maí síðastliðnum.

Forstjórinn á Íslandi biður þó aðdáendur drykkjanna að örvænta ekki, von sé á stórri sendingu um miðjan júlí, en Coco Cola Íslandi fær flytur þá inn frá Hollandi í gegnum Bretlandi.

Heildsalan Innco flytur einnig inn Monster-drykkina og skaffar þannig Þinni verslun og minni smásölum þessum veigum.

Framkvæmdastjóri Innco er Guðmundur Jónsson en sömu sögu er að segja þar, hvítur Monster selst alls staðar upp um leið og honum er raðað í hillu.

„Þetta er gríðarlega vinsælt,“ segir Guðmundur sem einnig á von á stórri sendingu í júlí.


Tengdar fréttir

Ungmenni fá nikótín, koffín og kannabis í morgunmat

Til okkar í Foreldrahús leitar ansi breiður hópur foreldra og ungmenna þessa lands, enda erum við 35 ára gömul landssamtök og höfum sinnt málefnum barna, ungmenna og foreldra frá árinu 1986.

Íslendingar sofa allt of lítið

„Allt of stór hluti Íslendinga sefur of lítið en þriðjungur þjóðarinnar er að sofa sex tíma á nóttu, sem er allt of lítill svefn,“ segir Erla Björnsdóttir, svefnráðgjafi. Þá sofi börn og unglingar líka allt of lítið.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
KVIKA
3,12
25
452.643
SJOVA
2,27
25
193.534
ARION
2,16
46
1.361.687
MAREL
2,04
39
582.450
SIMINN
1,85
14
350.533

Mesta lækkun dagsins


Félag
Br.%
Fjöldi
Velta*
SKEL
-2,34
2
3.406
ICESEA
-1,18
7
13.751
BRIM
0
6
15.074
ORIGO
0
4
13.235
EIM
0
9
215.249
Velkomin á Vísi. Þessi vefur notar vafrakökur. Sjá nánar.