Frá mánaðarmótum hækkar útborgað skilagjald fyrir flöskur og dósir til viðskiptavina Endurvinnslunnar úr sextán krónum í átján á hverja einingu.
Þetta kemur fram í tilkynningu frá Endurvinnslunni. Segir að skilagjald hafi frá stofnun skilakerfisins árið 1989 fylgt vísitölu og sé verið að fylgja þeirri reglu með þessari hækkun.
„Landsmenn hafa verið afar duglegir að skila flöskum og dósum og eru skil í skilakerfi nú með þeim allra bestu í heiminum eða um 92%. Frábær árangur.
Umhverfisávinningur af þessari endurvinnslu er ígildi kolefnislosunar sem nemur um 61 milljón km akstri meðalbifreiðar á ári,“ segir í tilkynningunni þar sem vísað er í tölum frá EFLU verkfræðistofu.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
Fleiri fréttir
Sjá meira
