Viðskipti erlent

Svona virkar algrím Instagram

Árni Sæberg skrifar
Margir velta því fyrir sér hvernig Instagram velur röðina sem myndir og myndbönd birtast í.
Margir velta því fyrir sér hvernig Instagram velur röðina sem myndir og myndbönd birtast í. Instagram

Adam Mosseri, framkvæmdarstjóri Instagram, setti inn ellefu mínútna langt myndband á dögunum þar sem hann útskýrir hið flókna algrím sem stýrir því hvað við sjáum á miðlinum.

Mosseri ritar við færsluna að fólki finnist erfitt að treysta því sem það skilur ekki. Þess vegna vilji hann varpa ljósi á það hvernig Instagram virkar og af hverju fólk sjái það sem það sér á samfélagsmiðlinum vinsæla. Færsluna má sjá í spilaranum hér að neðan:

Hann byrjar myndbandið á því að vara við hversu langt það er enda er það heilar ellefu mínútur. Myndbönd á Instagram eru almennt ekki lengri en um hálf mínúta.

Mikilvægasta verkefni algrímsins er að raða efni sem kemur inn á Instagram í rétta röð fyrir hvern og einn notanda. Þegar Instagram fór fyrst í loftið árið 2010 var efninu sem fólk sá á síðunni einfaldlega raðað í tímaröð. Árið 2016 gerðu stjórnendur Instagram sér grein fyrir að notendur misstu af rúmlega 70 prósent þess efnis sem þeir ættu að geta séð á síðunni. 

Myndum og hringrásum er raðað eftir kúnstarinnar reglum

Því var ráðist í að smíða flókið algrím sem gat metið hvað hver notandi vildi helst sjá á sinni síðu. Þegar venjulegum myndum og hringrásum eða „stories“ er raðað á heimasíðu notenda reiðir algrímið sig á þúsundir merkja, mikilvægust þeirra eru: upplýsingar um myndina, upplýsingar um þann sem birti efnið, virkni notandans og samskiptasaga notandans og þess sem birtir myndina.

Framleiðendur efnis á Instagram geta nú fylgst með velgengni færslna sinna.Instagram

Mosseri segir Instagram nýta þessar upplýsingar til að meta hversu líklegt er að notandi vilji sjá myndir og hringrásir. Þá forðast algrímið að sýna of margar myndir í röð frá sama notanda.

Instagram stýrir notendum frá ósæmilegu efni

Þegar svokölluðum „Explore“ hluta Instagram er raðað upp er sama algrími beitt og þegar heimasíðunni er raðað. Auk algrímsins er svokölluðum meðmælaviðmiðunarreglum eða „recommendation guidelines“ beitt til að fyrirbyggja að fólk sjái efni sem gæti farið fyrir brjóstið á því. „Þú fylgir ekki fólkinu sem þú sérð í Explore og það breytir stöðunni þegar þú rekst á eitthvað viðkvæmt efni. Ef vinur þinn deilir einhverju móðgandi er það bara á milli ykkar. Ef þú sérð eitthvað móðgandi í Explore, frá einhverjum sem þú hefur aldrei heyrt um, er það annað mál.“ segir Mosseri.

Svokölluðum „Reels“ er raðað upp sem sama hætti og „Explore“ að viðbættri áherslu á að skemmta notandanum. „Við spyrjum fólk hvort því finnist ákveðin „Reel“ skemmtileg eða fyndin. Svörin nýtum við til að meta hvað skemmtir fólki, með sérstakri áherslu á minni framleiðendur efnis,“ segir Mosseri.

Instagram kynnti svokölluð Reels í fyrra. Reels eru stutt myndbönd sem aðgengileg eru öllum notendum miðilsins.NurPhoto/Getty

Mosseri útskýrir einnig hvers vegna efni er tekið niður af Instagram. Hann játar að það sé ekki alltaf ljóst hvers vegna efni er tekið niður og að hann skilja að það valdi fólki ruglingi og særindum. „Við meðhöndlum milljónir tilkynninga á dag, sem þýðir að ef við gerum mistök í meðferð smás hluta þeirra, hefur það áhrif á þúsundir manns. Þá bætti hann við að Instagram vinni að betri tilkynningum og útskýringum til þeirra notenda hverra efni er fjarlægt af miðlinum.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
2,44
8
20.516
SYN
0,87
10
87.538
KVIKA
0,75
29
431.957
REGINN
0,68
3
16.500
SVN
0,45
21
87.385

Mesta lækkun dagsins


Félag
Br.%
Fjöldi
Velta*
REITIR
-1,85
11
59.252
ICESEA
-1,85
6
13.772
MAREL
-1,71
26
345.126
SIMINN
-1,63
60
367.415
LEQ
-1,6
1
729
Velkomin á Vísi. Þessi vefur notar vafrakökur. Sjá nánar.