Viðskipti innlent

Forstjóri Play og stjórnarmenn til rannsóknar

Hólmfríður Gísladóttir skrifar
Birgir Jónsson, forstjóri Play, hefur verið til rannsóknar hjá skattinum.
Birgir Jónsson, forstjóri Play, hefur verið til rannsóknar hjá skattinum.

Forstjóri Play og einn stjórnarmanna félagsins hafa verið til rannsóknar hjá skattayfirvöldum og þá er annar stjórnarmeðlimur til rannsóknar hjá ákæruvaldinu í tengslum við söluna á Skeljungi.

Þetta kemur fram í útboðsgögnum Play.

Þar segir meðal annars að María Rún Rúnarsdóttir, einn stjórnarmanna Play, hafi verið til rannsóknar hjá skattayfirvöldum vegna skattframtala sinna árin 2011 og 2012. Ekkert hafi komið fram um það hvort málið verði látið niður falla eða ákæra gefin út.

Þá segir að Embætti skattrannsóknarstjóra hafi stofnað mál gegn Birgi Jónssyni, forstjóra Play, árið 2018 vegna tekjuskatts undanfarinna ára. Málið snýst um það hvenær Birgi bar að greiða skatt hérlendis en hann flutti heim árið 2013 eftir að hafa búið í Rúmeníu um nokkurt skeið.

Í útboðsgögnunum segir að málið sé enn opið.

Þar er einnig komið inn á málshöfðun Íslandsbanka á hendur Einari Erni Ólafssyni, öðrum stjórnarmanna Play, í tengslum við meint ólögleg athæfi í tengslum við söluna á Skeljungi. Málið sé enn til rannsóknar og ekki liggi fyrir hvort ákærður verða gefnar út eða málið látið niður falla.

Arnar Magnússon, Daníel Snæbjörnsson og Jónína Guðmundsdóttir, öll stjórnendur hjá Play, hafi verið starfsmenn WOW air sem lýst var gjaldþrota í mars 2019 en ekkert þeirra sé viðriðið deilumál er varða gjaldþrotið.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ISB
3,64
144
219.838
SKEL
3,35
3
34.200
EIK
2,71
7
83.793
SYN
1,83
5
20.798
ARION
1,22
55
1.012.033

Mesta lækkun dagsins


Félag
Br.%
Fjöldi
Velta*
ICEAIR
-2,95
71
62.862
FESTI
-0,74
8
158.452
ORIGO
-0,72
8
186.639
SVN
-0,15
9
6.587
ICESEA
0
5
29.250
Velkomin á Vísi. Þessi vefur notar vafrakökur. Sjá nánar.