Jóhann færir sig um set og aug­lýst eftir nýjum fjár­mála­stjóra

Þetta kemur fram í tilkynningu frá Reginn þar sem sagt er frá fyrirhuguðum breytingum á framkvæmdastjórn félagsins.

„Felst það í að auglýst verður eftir framkvæmdastjóra fjármála sem mun taka við stöðu fjármálastjóra félagsins næsta haust.

Núverandi fjármálastjóri félagsins Jóhann Sigurjónsson er ekki að hverfa frá félaginu og mun taka við stöðu skrifstofustjóra næsta haust samhliða því að nýr aðili tekur við stöðu fjármálastjóra. Staða skrifstofustjóra mun heyra beint undir forstjóra félagsins,“ segir í tilkynningunni.

Jóhann hefur verið fjármálastjóri félagsins frá árinu 2012 og er hann einnig staðgengill forstjóra. Reginn hf. er fasteignafélag sem fjárfestir í, leigir út og annast rekstur á atvinnuhúsnæði. Alls eru 116 fasteignir nú í safni félagsins.