Viðskipti innlent

Icelandair Group losar sig við Iceland Travel

Árni Sæberg skrifar
Icelandair Group fer minnkandi.
Icelandair Group fer minnkandi. Vísir/Vilhelm

Icelandair Group og Nordic Visitor undirrituðu í dag samning um kaup þess síðarnefnda á 100 prósent hlut Icelandair Group í Iceland Travel.

Nordic Visitor hefur gengið frá kaupum á ferðaþjónustufyrirtækinu Iceland Travel. Kaupin eru gerð með hefðbundnum fyrirvörum, svo sem um samþykki samkeppnisyfirvalda.

Iceland Travel rekur starfsemi á Íslandi, Skotlandi og í Skandinavíu. Fyrirtækið selur ferðir beint til neytenda.

„Iceland Travel hefur verið leiðandi ferðaskrifstofa á fyrirtækjamarkaði með öflugu og reynslumiklu starfsfólki og sterkum viðskiptasamböndum. Ég er mjög spenntur fyrir því að kynnast betur starfsemi félagsins og starfsmönnum og hefja störf með því starfsfólki sem byggir upp félagið,“ segir Ásberg Jónsson, framkvæmdarstjóri Nordic Visitor, um kaupin.

Yfirlýst stefna Icelandair Group að straumlínulaga starfsemina

Icelandair Group hefur ákveðið að einblína á flugrekstur og hefur því stefnt að því að selja hin ýmsu fyrirtæki sem tengjast flugrekstri ekki beint. Félagið seldi til að mynda alla hótelstarfsemi sína fyrr á árinu.

Bogi Nils Bogason, forstjóri Icelandair Group, hafði eftirfarandi að segja um söluna: „Það er ánægjulegt að tilkynna um söluna á Iceland Travel til Nordic Visitor. Salan er í samræmi við stefnu Icelandair Group um að leggja áherslu á kjarnastarfsemi félagsins, flugrekstur. Ég vil þakka starfsfólki Iceland Travel fyrir góða samvinnu og þeirra framlag í að byggja upp leiðandi fyrirtæki í íslenskri ferðaþjónustu og óska þeim góðs gengis til framtíðar. Ég hef fulla trúa á að með nýjum eigendum muni Iceland Travel taka virkan þátt í uppbyggingu ferðaþjónustu á Íslandi.“





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
2,44
8
20.516
SYN
0,87
10
87.538
KVIKA
0,75
29
431.957
REGINN
0,68
3
16.500
SVN
0,45
21
87.385

Mesta lækkun dagsins


Félag
Br.%
Fjöldi
Velta*
REITIR
-1,85
11
59.252
ICESEA
-1,85
6
13.772
MAREL
-1,71
26
345.126
SIMINN
-1,63
60
367.415
LEQ
-1,6
1
729
Velkomin á Vísi. Þessi vefur notar vafrakökur. Sjá nánar.