Viðskipti innlent

Ríkið gerir sátt við fyrr­verandi banka­stjóra Kaup­þings í Lúxem­borg

Atli Ísleifsson skrifar
Mannréttindadómstóll Evrópu í Strasbourg í Frakklandi.
Mannréttindadómstóll Evrópu í Strasbourg í Frakklandi. Vísir/Epa

Íslenska ríkið hefur gert dómsátt við Magnús Guðmundsson, fyrrverandi bankastjóra Kaupþings í Lúxemborg, og hefur mál hans verið fellt niður hjá Mannréttindadómstól Evrópu vegna þessa. Samkvæmt sáttinni fær hann 15 þúsund evrur í bætur, um 2,2 milljónir króna.

Frá þessu segir í Fréttablaðinu í dag, en til stóð að Mannréttindadómstóllinn tæki mál hans til efnislegrar meðferðar síðasta sumar. Með sáttinni afsalar Magnús sér rétti til að gera frekari kröfur á hendur ríkinu í málinu og ríkið viðurkennir að brotið hafi verið á rétti Magnúsar til réttlátrar málsmeðferðar. Magnús getur í óskað eftir endurupptöku á grunni núgildandi laga.

Bankastjórinn fyrrverandi var sakfelldur fyrir aðild sína að markaðsmisnotkun og umboðssvik í svokölluðu Markaðsmisnotkunarmáli Kaupþings í Hæstarétti árið 2016. Þar hafði dómi Héraðsdóms Reykjavíkur verið snúið við að hluta þar sem einhverjum ákæruliðum hafði verið vísað frá dómi en hann annars sýknaður.

Hæstiréttur sakfelldi Magnús og fleiri á sínum tíma. Magnúsi var hins vegar ekki gerð frekari refsing, en hann hafði áður hlotið fjögurra og hálfs árs dóm fyrir aðild sína að Al Thani málinu svokallaða.

Deilt um hæfi dómara

Magnús kærði málið til Mannréttindadómstólsins á þeim grunni að Ingveldur Einarsdóttir og Þorgeir Örlygsson, dómarar við Hæstarétt, hafi verið vanhæf til að fella dóm á mál hans vegna starfa sona þeirra.

Sagði að sonur Ingveldar hafi verið aðstoðarsaksóknari hjá embætti sérstaks saksóknara og sonur Þorgeirs starfaði sem yfirlögfræðingur hjá slitastjórn Kaupþings. Í kærunni var sömuleiðis vísað í hlutabréfaeign fjögurra dómara við Hæstarétt.

Þetta er ekki fyrsta málið þar sem íslenska ríkið viðurkennir að menn hafi ekki fengið réttláta málsmeðferð í tengslum við dóma sem féllu hérlendis vegna hrunmála. Í mars var til að mynda sagt frá því að ríkið hafi greitt fimm Íslendingum – þeim Sigurjóni Þorvaldi Árnasyni, Ívari Guðjónssyni, Sigurþóri Charles Guðmundssyni, Margréti Guðjónsdóttur og Karli Emil Wernerssyni – bætur og felldi Mannréttindadómstóllinn málin niður í kjölfarið.


Tengdar fréttir

Mannréttindadómstóllinn að gefa Íslandi falleinkunn

Lögmaður fyrrverandi bankastjóra Landsbankans segir kerfið hafa fengið falleinkunn hjá Mannréttindadómstól Evrópu. Íslenska ríkið hefur viðurkennt að fimm manns hafi ekki hlotið réttláta málsmeðferð í málaferlum eftir hrun bankakerfisins.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
EIM
2,98
15
198.055
HAGA
1,69
15
284.591
SVN
1,13
43
230.151
SJOVA
1,07
7
114.523
ICEAIR
1,04
95
128.318

Mesta lækkun dagsins


Félag
Br.%
Fjöldi
Velta*
ARION
-0,68
19
214.289
ICESEA
-0,57
2
10.530
BRIM
-0,55
7
12.308
ORIGO
-0,39
2
1.771
VIS
-0,3
5
197.500
Velkomin á Vísi. Þessi vefur notar vafrakökur. Sjá nánar.