Veiði

Urriðafoss á stutt í 100 laxa

Karl Lúðvíksson skrifar
Veiðin í Urriðafossi fer að detta í 100 laxa
Veiðin í Urriðafossi fer að detta í 100 laxa Mynd: Stefán Sigurðsson

Urriðafoss í Þjórsá opnaði fyrst allra laxveiðisvæða og þar hefur veiðin verið prýðisgóð frá opnun og laxinn sem er að veiðast er vænn.

Aðsókn í veiðina í Urriðafossi hefur alltaf verið að aukast og er svo komið að svæðið fer að verða uppselt í sumar. Það er heldur ekkert skrítið að það sé mikið sótt þar sem veiðin þar per stöng hefur verið hæst þar á landinu í það minnsta síðustu þrjú ár. Heildarveiðin núna er komin í 70-80 laxa og miðað við að það eru að veiðast 10-15 laxar á dag þá styttist hratt í að veiðin á svæðinu verði komin yfir 100 laxa en það gerist klárlega í þessari viku svo mikið ætti að vera víst.

Efri svæðin ætti samhliða auknum göngum að fara að koma inn en þau hafa verið að njóta sífellt meiri vinsælda enda getur veiðin þar á góðum degi verið fín. Laxinn sem gengur upp Urriðafoss fer enda þar framhjá og þegar göngur eru góðar er verið að tala um hundruð laxa sem fara í gegnum veiðistaðina þar á dag.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.