Innlent

Enginn greindist innan­lands í gær

Atli Ísleifsson skrifar
Rúmlega 6.600 manns haf anú greinst með kórónuveiruna hér á landi frá upphafi faraldursins.
Rúmlega 6.600 manns haf anú greinst með kórónuveiruna hér á landi frá upphafi faraldursins. Vísir/Vilhelm

Enginn greindist með kórónu­veiruna innan­lands í gær. 

Þetta kemur fram í uppfærðum tölum á síðunni Covid.is.

Í einangrun eru nú 50, en þeir voru 47 á föstudag þegar síðan var síðast uppfærð. Í sóttkví eru 251, en voru 199 á föstudag. 1.879 eru í skimunarsóttkví. Einn er á sjúkrahúsi vegna Covid-19, en þeir voru tveir á föstudag.

Níu greindist á landamærum í gær, þar sem tveir greindust með virk smit í fyrri landamæraskimun en sjö með mótefni.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 11,7, en var 10,6 á föstudag. Nýgengi á smiti á landamærum er nú 3,8, en var 2,7 á föstudaginn.

101.713 eru nú fullbólusettir hér á landi og er bólusetning hafin hjá 86.496 til viðbótar.

6.612 hafa nú greinst með kórónuveiruna hér á landi frá upphafi faraldursins í febrúar á síðasta ári. Af þeim sem greinst hafa með COVID-19 á Íslandi eru þrjátíu látin.

Alls voru tekin 344 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá voru 2556 sýni tekin á landamærunum eða í seinni landamæraskimun og 662 í svokallaðri sóttkvíar- og handahófsskimun.

Fréttin hefur verið uppfærð



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.