Viðskipti innlent

Stofnandi World Class skóla færir sig um set

Kolbeinn Tumi Daðason skrifar
Magnea Björg Jónsdóttir á að bæta sambandið við viðskiptavini fyrirtækisins.
Magnea Björg Jónsdóttir á að bæta sambandið við viðskiptavini fyrirtækisins. Key of Marketing

Magnea Björg Jónsdóttir hefur verið ráðin viðskiptastýra Key of Marketing. Fyrirtækið, sem var stofnað árið 2018, hjálpar fyrirtækjum að fanga viðskiptavini með sjálfvirkni í markaðssetningu og efnissköpun.

Á vefsíðunni segir að Magnea hafi verið ráðin inn sem viðskiptastýra þar sem hún komi til með að halda góðu sambandi við viðskiptavini og vera með yfirlit á verkefnum.

Magnea er með AA gráðu í samskiptafræði og BS í viðskiptafræði frá International American University og stundar núna nám með vinnu hjá Háskóla Íslands þar sem hún lærir viðskiptastjórnun. Á meðan hún stundaði nám í Los Angeles vann hún sem framkvæmdastjóri hjá Royal Exotic Car Rental sem leigir út lúxus bifreiðar.

Magnea starfaði við mannauðsmál hjá World Class þar sem aðalmarkmiðið var betri líðan starfsfólks og aukin sala á vörum.

„Í þessu samhengi setti hún upp World Class skóla þar sem farið var yfir hegðun gagnvart viðskiptavinum, sölukunnáttu og samskipti á milli samstarfsfélaga. Innleiðing á Workplace by Facebook, stjórnun starfsmannaatburða, bókhald og starfsmannabónusar voru meðal verkefna sem Magnea leysti fyrir World Class.“

Vakin er athygli á því að Magnea þekki vel til markaðssetningar enda með yfir 25 þúsund fylgjendur á Instagram og haldi út hlaðvarpinu Glamúr.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Engar hækkanir skráðar í dag

Mesta lækkun dagsins


Engar lækkanir skráðar í dag
Velkomin á Vísi. Þessi vefur notar vafrakökur. Sjá nánar.