Veiði

Blautur júní gæti bjargað veiðinni í sumar

Karl Lúðvíksson skrifar
Laxá í Kjós komin með ríflega gott vatn
Laxá í Kjós komin með ríflega gott vatn

Veiðimenn hafa verið frekar mikið á taugum í maí vegna þess hve þurrt var orðið og lítið vatn í ánum en það horfir sem betur fer til betri vegar.

Það er búið að rigna ansi hressilega á vestur og suðurlandi síðustu daga og það hefur gert það að verkum að árnar sem voru margar hverjar orðnar ansi vatnslitlar eru komnar í blússandi vorvatn. Þetta leit bara ekki vel út á tímabili og það var engin að nenna öðru vatnsleysi eins og var 2019 meira og minna allt tímabilið frá miðjum júní fram til loka ágúst. 

Núna spáir áfram blautum dögum næstu daga og jafnvel vikur svo ástandið í laxveiðiánum gæti orðið aldeilis frábært strax frá byrjun. Veiðimenn eru þess vegna vonum kátir með að fá góðar rigningar reglulega í sumar þó svo að sólarþyrstir Íslendingar séu þeim óskum kannski ekki sammála. Nú opna fyrstu árnar í vikunni og við bíðum spennt eftir fyrstu fréttum.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.