Viðskipti erlent

Amazon kaupir MGM og James Bond

Samúel Karl Ólason skrifar
Söguheimurinn um njósnarann James Bond, sem Daniel Craig hefur leikið á undanförnum árum, er ein verðmætasata eign MGM.
Söguheimurinn um njósnarann James Bond, sem Daniel Craig hefur leikið á undanförnum árum, er ein verðmætasata eign MGM. AP/Michael Sohn

Amazon hefur gert samning um að kaupa kvikmyndaver og kvikmynda- og þáttasafn fyrirtækisins MGM. Þar með er njósnarinn frægi, James Bond, kominn í eigu auðjöfursins Jeff Bezos. MGM kostar Amazon 8,45 milljarða dala, sem samsvarar um einni billjón króna.

Samkvæmt frétt Variety inniheldur safn MGM rúmlega fjögur þúsund kvikmyndir og um sautján þúsund sjónvarpsþætti. Þetta efni mun líklegast bætast við efnisveitu Amazon, Prime Video.

Ekki liggur fyrir hvenær kaupin munu ganga í gegn.

Kaupin munu einnig gera Amazon kleift að framleiða upprunalegt efni sem tengist kvikmyndum og þáttum um frægar persónur eins og Bond, Rocky, Robocop og aðrar.

Meðal þáttaraða sem MGM á eru Handmaid's Tale, Vikings, Fargo og Stargate.

Í tilkynningu um samningin er haft eftir einum yfirmanna Prime Video að Amazon sjái mikla möguleika með það efni sem MGM á höfundarrétt að. Það bjóði upp á gífurleg tækifæri til sögusköpunar.

MGM hefur verið til sölu í nokkurn tíma. Variety segir aðra sem hafa haft til skoðunar að kaupa kvikmyndaverið hafa lýst yfir furðu sinni á verðinu sem Amazon ætlar að greiða. Flestir hafi hingað til metið fyrirtækið á um fimm milljarða dala.

Í frétt CNBC segir að kaupin sé til marks um vilja forsvarsmanna Amazon til að eiga í samkeppni við fyrirtæki sem reka aðrar efnisveitur eins og Netflix og Disney. Þessi fyrirtæki hafa öll varið miklum fjármunum í að byggja upp efnissöfn sín.

Þá hafi stór fyrirtæki í framleiðslu sjónvarpsefnis verið sameinuð undanfarið og er sameining WarnerMedia og Discovery nefnd sem dæmi.

Yfirvöld í Bandaríkjunum og Evrópu eru þegar að skoða umsvif Amazon með tilliti til samkeppnissjónarmiða og segir í frétt CNBC að kaupin á MGM gætu aukið þær áhyggjur sem ráðamenn hafa af yfirburðastöðu Amazon.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
KVIKA
2,68
16
368.368
HAGA
2,4
11
128.282
ARION
2,16
23
539.816
MAREL
2,04
8
44.126
FESTI
1,51
7
121.180

Mesta lækkun dagsins


Félag
Br.%
Fjöldi
Velta*
SKEL
-2,34
1
906
ORIGO
-1,69
2
4.060
ICESEA
-1,18
4
7.891
BRIM
-0,91
2
156
VIS
0
6
80.463
Velkomin á Vísi. Þessi vefur notar vafrakökur. Sjá nánar.