Viðskipti innlent

Edda Lára og Birna Íris til Össurar

Atli Ísleifsson skrifar
Edda Lára Lúðvígsdóttir og Birna Íris Jónsdóttir.
Edda Lára Lúðvígsdóttir og Birna Íris Jónsdóttir. Össur

Edda Lára Lúðvígsdóttir og Birna Íris Jónsdóttir hafa verið ráðnar sem nýir forstöðumenn hjá Össuri.

Í tilkynningu segir að Edda Lára Lúðvígsdóttir hafi verið ráðin sem forstöðumaður fjárfestatengsla hjá fyrirtækinu.

„Edda Lára er með víðtæka reynslu af sjóðstýringu, fjárfestingabankastarfsemi og fjárfestatengslum frá fyrri störfum hjá GAMMA Capital Management, Íslandsbanka og Glitni. Edda Lára er viðskiptafræðingur með M.Sc. gráðu í fjármálum fyrirtækja frá Háskólanum í Reykjavík og með próf í verðbréfaviðskiptum.

Birna Íris Jónsdóttir er nýr forstöðumaður UT reksturs og öryggis hjá Össuri. Birna Íris er stofnandi Fractal ráðgjöf og hefur áralanga reynslu af upplýsingatækni og stafrænni vegferð fyrirtækja og hefur meðal annars starfað hjá Högum, Sjóvá og Landsbankanum. Hún er með B.Sc. gráðu í tölvunarfræði frá Háskóla Íslands og MBA gráðu frá Háskólanum í Reykjavík,“ segir í tilkynningunni.

Hjá Össuri starfa rúmlega 3.500 manns í yfir þrjátíu löndum og þar af um fimm hundruð starfsmenn í höfuðstöðvum fyrirtækisins í Reykjavík.

Vistaskipti


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið