Matur

BBQ kóngurinn: Caveman-humar með chillihvítlaukssmjöri og grillaðri sítrónu

Ása Ninna Pétursdóttir skrifar
Það er fátt sumarlegra en grillaður humar. 
Það er fátt sumarlegra en grillaður humar. 

Hinn eini sanni BBQ kóngur, Alfreð Fannar Björnsson, kemur landanum í rétta grill-gírinn fyrir sumarið í þáttunum BBQ kóngurinn. Þættirnir voru sýndir á Stöð 2 nú fyrr í vetur. 

Það er ekkert flottara í grillveisluna en að elda beint á kolunum en hér er líka hægt að grilla á hefðbundinn hátt. Í þessa uppskrift nota ég kanadískan Maine humar sem er töluvert stærri en íslensku humarhalarnir. Auðvitað er hægt að nota íslenskan í staðinn.

Í klippunni hér fyrir neðan er hægt að sjá hvernig Alfreð Fannar undirbýr rétt sem hann kallar Caveman-humar. Aðferð og uppskrift er hægt að nálgast hér fyrir neðan.  

Klippa: Caveman-humar með chillihvítlaukssmjöri og grillaðri sítrónu

Caveman-humar

með chillihvítlaukssmjöri og grillaðri sítrónu

  • Humar
    • 2 Maine humarhalar
    • 1 sítróna
  • Chillihvítlaukssmjör
    • 100 g smjör
    • 3 hvítlauksgeirar
    • 10 g steinselja
    • Hálfur rauður chilli
  • Aðferð
  1. Kveikið upp í viðarkolum í kolastandinum eða kyndið grillið í hámarkshita.
  2. Skerið humarhalann í tvennt eftir endilöngu og hreinsið görnina úr.
  3. Fínsaxið hvítlauk, steinselju og chilli, setjið í pott ásamt smjörinu og bræðið.
  4. Skerið sítrónu í tvennt, leggið með sárið niður í kolin og brennið hana vel.
  5. Skellið humrinum beint á kolin eða á beinan hita á grillinu og snúið skelinni niður. Penslið smjörinu á og eldið þar til skelin er orðin fallega rauð og humarinn hvítur eða upp í 57 gráður í kjarnhita.
  6. Berið humarhalana fram með chillihvítlaukssmjöri og grillaðri sítrónu.

Hér fyrir neðan er hægt að sjá nokkrar girnilegar uppskriftir úr fyrri þáttum en fyrir áhugasama er hægt að nálgasta alla fyrri þætti BBQ kóngsins á Stöð 2+. 

Grillaðir rækjuforréttir

Lax á sedrusviðarplatta

Beikonvafinn bjórdósaborgari


Tengdar fréttir

BBQ kóngurinn: Þrefaldur alvöru smash borgari

„Við ætlum að gera þrefaldan smash-hamborgara. En þá er hakki hnoðað saman í kúlu og þær þjappaðar niður með spaða á pönnu í örþunna hamborgara sem verða stökkir á köntunum,“ segir grillmestarinn Alfreð Fannar Björnsson betur þekktur sem BBQ kóngurinn. 

BBQ kóngurinn: Reykt Texas-kalkúnabringa með BBQ-sinnepssósu

„Þessi er algjört æði. Auðvitað er ekki nauðsynlegt að reykja bringuna en ég mæli eindregið með því. Ef ég á afgang sneiði ég bringuna þunnt niður í álegg sem er fullkomið á samlokur,“ segir grillmeistarinn Alfreð Fannar Björnsson í sjónvarpsþættinum BBQ-kóngurinn sem sýndur var á Stöð 2 nú fyrr í vetur. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.