Rafíþróttir

Cloud9 í erfiðri stöðu eftir annan dag milliriðilsins á MSI

Hjörtur Leó Guðjónsson skrifar
Cloud9 hefur tapað öllum fjórum leikjum sínum í milliriðlinum á MSI.
Cloud9 hefur tapað öllum fjórum leikjum sínum í milliriðlinum á MSI. Riot Games/Riot Games Inc. via Getty Images

Cloud9 tapaði báðum leikjunum sínum á MSI mótinu í League of Legends sem haldið er í Laugardalshöll í dag og eru enn án sigurs í milliriðlinum. RNG heldur sigrugöngu sinni áfram og eru ósigraðir í öllum 12 leikjum sínum.

Dagurinn byrjaði á leik Pentanet.GG og RNG. Pentanet.GG eru án sigurs líkt og Cloud9, og því erfitt verkefni að mæta taplausum RNG.

Pentanet.GGgerði þó betur en flestir áttu von á og gáfu RNG ágætis leik. RNG voru þó alltaf skrefinu á undan og unnu að lokum sinn ellefta sigur í röð.

Heimsmeistararnir í DWG KIA mættu Cloud9 í öðrum leik dagsins. DWG KIA hefur gert það nokkuð oft á þessu móti að lenda eftir á snemma leiks, en snúa leiknum svo við þegar í kringum 20 mínútur eru búnar.

Það var nákvæmlega það sem gerðist í dag. Hægt og bítandi unni DWG KIA forskot Cloud9 upp og kláruðu leikinn eftir rúmar 34 mínútur.

Í þriðja leik dagsins mættust MAD Lions og RNG. bæði lið voru taplaus í milliriðlinum og því var barist um toppsæti riðilsins.

Leikurinn var nokkuð rólegur og augljóst að hvorugt liðið ætlaði að tapa þessum leik. RNG náðu þó yfirhöndinni frekar snemma og juku forskot sitt jafnt og þétt.

MAD Lions gerðu hvað þeir gátu til að snúa leiknum sér í hag, en þegar kínversku risarnir ná svona forystu er nánast ómögulegt að vinna þá. RNG tryggði sér því toppsæti riðilsins.

Cloud9 þurfti svo á sigri að halda gegn PSG Talon ef brekkan ætti ekki að verða of brött fyrir næstu daga milliriðilsins.

Leikurinn leit vel út fyrir Cloud9, en eins og í fyrri leik þeirra í dag snérist blaðið við þegar um 20 mínútur voru búnar af leiknum. PSG Talon lét sitt forskot ekki af hendi og tryggðu sér sinn annan sigur í milliriðlinum.

Cloud9 er hinsvegar með fjögur töp í sínum fjórum leikjum, og þurfa að koma sér almennilega í gang fyrir seinustu sex leiki milliriðilsins.

DWG KIA lenti svo ekki í neinum vandræðum með Pentanet.GG í næst seinasta leik dagsins.  Pentanet.GG er enn án sigurs, líkt og Cloud9.

Í seinasta leik dagsins mættust MAD Lions og PSG Talon þar sem barist var um annað sæti riðilsins. Leikurinn var jafn og spennandi, og það var ekki fyrr en eftir tæpan hálftíma sem MAD Lions náðu góðu forskoti.

Þeir juku það forksot enn frekar og unnu að lokum góðan sigur eftir 36 mínútur af æsispennandi League of Legends.

Sex leikir eru á dagskrá á morgun og hægt er að fylgjast með þeim í beinni útsendingu á Stöð 2 eSport sem hefst klukkan 12:30

Úrslit dagsins

Pentanet.GG - RNG

DWG KIA - Cloud9

MAD Lions - RNG

Cloud9 - PSG Talon

Pentanet.GG - DWG KIA

MAD Lions - PSG Talon


Tengdar fréttir

RNG enn ósigraðir á MSI

Fyrsti dagur milliriðilsins fór fram á MSI mótinu í League of Legends sem haldið er í Laugardalshöll í dag. RNG sigraði báða leiki sína, og eru því ósigraðir í tíu leikjum.

RNG taplausir og í fyrsta skipti sem ástralskt lið fer upp úr riðli á alþjóðlegu móti

Það var nóg um að vera á MSI mótinu í League of Legends sem haldið er í Laugardalshöll um helgina. Keppni í A-riðli er lokið, en Royal Never Give Up, eða RNG, kláruðu sinn riðil með átta sigrum í jafn mörgum leikjum. Með þeim upp úr riðlinum fara Pentanet.GG, en þetta er í fyrsta sinn sem ástralskt lið kemst áfram á alþjóðlegu móti.

Allt eftir bókinni á fyrsta degi MSI

Það urðu engin óvænt úrslit þegar Mid Season Invitational í League of Legends fór af stað í Laugardalshöllinni í dag. Ríkjandi heimsmeistarar opnuðu mótið með sannfærandi sigri gegn fulltrúum LCS, Cloud 9.

MSI hefst á morgun: Heimsmeistararnir ríða á vaðið

MSI, eða Mid Season Invitational mótið í League of Legends hefst á morgun, en mótið er haldið í Laugardalshöll hér í Reykjavík. Þetta er í sjötta sinn sem mótið er haldið og hingað til lands eru mætt nokkur af bestu liðum heims.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.